رد: برنامج تحت الميكروسكوب

شكرا ليكي جدا يا موناليزا دا بس من ذوقك والله
وشكرا لمرورك الكريم ومرور باقي الاعضاء الجمال
وربنا يخلي لينا اسلام اللي عمل البرنامج الجميل ده

السلام عليكم

رائع جدا يا احمد الحلقة دى وربنا يوفقك وتختار الصح فى الموضوع بتاعك

واسبق انا بقى المرة دى مها واقول نرشح

فوزية تمريض الاسماعليه

يلا بقى كلنا نرشح

من طرف loza الجمعة 11 سبتمبر 2009, 00:51

السلام عليكم ورحمة الله وبركاته

فى الاول كده لازم ابدى اعجابى بالفكرة الرائعة دى وبشكرك يا اسلام جميل اننا نتواصل بالصورة الجميلة دى

ثانيا : بعتذر لعدم مشاركتى معاكم فى البرنامج بس اعذرونى

ثالثا : انا قريت كل الحلقات وعجبتنى جدا وبارك الله فيكى ماما هناء ( أم الطلبة) ويا ريت تسمحيلى اقولك ماما هناء لانك بجد انسانة جميلة كل اللى اقدر اقوله ربنا يحفظك ويحميكى ويديكى على اد نيتك واعمالك

رابعا : امل سمير حبيبت قلبى وحشتينى جدا وعساه خير يا رب وربنا يسترها وترجعلنا

خامسا : احمد جمال لقاء جميل يدل على الغموض والذكاء بلاش اقول الدهاء مع انه بيكون فى بعض الاوقات صفة جميلة لكن مش ديما

سادسا : موناليزا اسماعيلية حبيبت قلبى وصديقتى الانتيم مش غريب عنك اى شئ جميل واسراء المتحدث الرسمى عندنا ومتقلش عنك يااسلام دى الاعلامية بتاعتنا متزعليش منى انا اسفة بجد لو زعلتك

سابعا : احمد عبدالله اسماعيلية مقدرشى اقولك عنك يا احمد غير خير الاخ والصديق فى الله واحبكم جميعا فى الله وبرده اوعى تزعل منى انا برده لوزة

ثامنا : وده الاهم شكرالجميع الناس على تواجدهم الدائم وردودهم فى جميع الحلقات

واخرهم احمد قطب بس بلاش نخاف من الفيران جمد قلبك

تاسعا : ده اعتذار ل د/ ميدو ده منى ليه وادام الجميع لانى شديت معاه فى الكلام فى المنصورة واى شئ حصل مننا قبل اللحظة دى فياريت ننساه احنا فى شهر كريم وانااسفة جدا ليك وتقبل اعتذارى كلنا اخوات فى الله

عاشرا : احب ارسل باقة من الورود للوحة شرف المنتدى ويا رب دائما فى تألق

واخيرا وليس اخرا احمد سعد معرفشى عنه اليأس بالرغم من الوقت القليل اللى عرفتك فيه لكن انت شخصية جميلة بسم الله ما شاء الله عليك

اسفة انى طولت عليكوا اوى كده بس ده اللى حبيت اقوله ويا رب اكون وفيت

طبعا مرورك اسعدنى جدا يا لوزة وشكر ا ليكى على كلامك الرقيق ده

وان شاء الله تنورينا فى برنامج تحت الميكرسكوب

واكون انا اول مرشح ليكى

يلا يا جماعة رشحوا معايا لوزة اللى ى برضة فوزية

السلام عليكم ورحمه الله وبركاته
هلت الانوار واضاءت المنتدى ....من نوركم صرنا فى طريق الهدى.
اهلا وسهلا بيك يا احمد معانا فى برنامجنا " تحت الميكروسكوب"
ولا تعتدز على التاخير ويا رب تكون الظروف اللى مرت تكون خير .
استمتعنا فى هذه الحلقة الجميله مع البطل" احمد قطب " بطل الجمهورية فى التايكوندو...الانسان الذى يقول انه جرئ وصريح وعصبى جدا وخفيف الدم بس مشكلتك انك بتخاف من الفيران.هههههههههههههههه.
احمد شخصيه من الشخصيات المحترمه اللى الواحد يتباها بيها فى اى مكان ...احمد انسان طيب جدا ومتسامح واجتماعى ولكنه قد يفسد اجتماعيته بشئ من العصبية فى بعض الاحيان..
والله فرحتلك اوى يا احمد لما قريت خبر ترشيحك للمنتخب وانا عارف انه قرار صعب اوى عليك بس نفسنا نشوفك بطل عالم يا احمد وتبقى اول واحد فى مجال التمريض يبقى بطل عالمى فى التايكوندو.
وشكلك يا احمد بتحب المغامرات والمجاذفه كتير عشان انت بتقرأ قصص عن المخابرات والحروب.
فى النهايه انا استمتعت معاك ومع كل الناس اللى شاركو معانا فى البرنامج وبهديلك بعض الجمل البسيطه التى تعبر عن اعجابى بك
"صرخاتي علت واهاتي قلت اقولها شكرا ولاحمد قطب اهديها . ورود واهازيج مملوئة باجمل الرسمات ممزوجة بزهور الجوري وعلى اجمل الحدائق تنمو . اتذكرك واتكلم عنك يامن ملكت قلبي بجمال لمحتك و يا بياضا كم اهللت في وسط الظلام نورا , تذكرني اذا زاد الهوى وانشدت حبالي على خيامك هكذا قالها عبدالله الرويشد وهكذااقولها لاحمد قطب . اسطر من ذهب واحاديث من اسرار تسطو من ابواب مسرح الاحلام احلى الكلام واعذب الالحان تعزف على يد ابطال لم يأتوا للشهرة بل من اجل الرقي
صحيح يا احمد انت راقي بلعبك وليس بتعاليك . صحيح انت بطل . انت بالفعل نورا على ملاعب اغفلت جمالية المستديرة انت مدرسة ولست بتلميذ انت اخصائى تمريض ولست بمريض انت استاذ ولست بطالب وانت بطل ولست بقاصر.
هل وهل وهل اقتنعوا !! أم مازالوا يتشاورون على موهبتك ؟ لازالوا محتارين بانك الافضل ؟؟ تذكروه يامن اغفل حق هذا البطل
ظنوا بك السوء ولكنك احلقت بهم الهزايم , اعتقدوا بانك الضعيف ولكنك كنت الكبير , افتكروا انك المتأخر ولكن لم يعلموا انهم سيكونوا خلفك . يأسوا ولكنك لم تيأس , تعبوا من المرور وانت كنت السرور لنا , شكرا لك يااحمد يا بطل شكرا لكل لمحة جعلت قلبي يتوقف عندها . "

والسلام عليكم ورحمه الله وبركاته

والله العظيم يا اسلام عجزت شفتاي عن الكلام
لا استطيع الا ان اشكرك
اشكرك يا اسلام .. اشكرك يا اخي
اشكرك بكل ما تحمله الكلمة من معنى
والف شكر ليكم جميعا

اولا انا اول مرة ادخل فى البرنامج الجميل ده
بس ان شاء الله اكون معاكم على طول
وبجد كلكم شخصيات جميلة اووووووووووووى
وبجد يا دكتور احمد انت انسان طيب جدا جدا
وكل اللى انا شوفته بيقول ان المنتدى ده اجمل مكان بيجمعنا كلنا
وربنا يوفقنا جميعا

السلام عليكم ورحمه الله وبركاته
ازيكم ..........عاملين ايه
فين يا جماعة ترشيحاتكم النارية....... برنامج تحت الميكروسكوب - صفحة 11 Icon_rolleyes

انتو نمتم ولا ايه.......ولا هتعملو زى الاعلان بتاع موبينيل"صحونى عل المدفع"
انا بهزر معاكم........انا عارف ان احنا فى العشر الاواخر من رمضان فالكل بيصلى التهجد وربنا يقوى ايمان كل مسلم ومسلمه ويهدينا ويغفر لنا ذنوبنا.......يا رب.

انا بحب اشكر كل الناس اللى ساهمت معانا واللى امتعونا بكلماتهم الرقيقه ويا رب يكون البرنامج عجبكم وتكونو انبسطو منه.
والسلام عليكم ورحمه الله وبركاته

بجد اجمل ما قرأت

وشكرا علي كلماتك الرقيقه والمعبره
ونتمني لكم المزيد والمزيد
وشكرا للدكتور المبدع اسلام جوده لابداعه هذا البرنامج
الذي يتيح للجميع الحوار ويخلق روح التعارف بين جميع أعضاء المنتدي
وشكررا لكل عضو ومشرف ومدير في هذا المنتدي لابداعهم ومجهودهم الملحوظ
والــــــــــــــــــــــــــــــــــــــــــــــــــــي الامــــــــــــــــــــــــــــــــــــام دائما
وفقنا الله لما يحبه ويرضاه

بجد والله انا مبسوطه جدا جدا انى بشوف كل التميز ده الابداع ده من طلاب التمريض
ربنا يوفقنا يارب وللامام دايما
وبشكر دكتور اسلام للابداع كل ده

برنامج تحت الميكروسكوب - صفحة 11 GOO76911

السلام عليكم

ازيكم يا شباب ايه اخباركم ؟

ايه يا جماعه هو مفيش الا انا اللى رشحت بس ولا ايه

عايزين ترشيحات بقى زى ما اسلام ما قال

يلا كلوا يرشح

انا برشح ميس تشيكى

اهلا اهلا كنزي

فينك من زمان
ميرسي ليكي علي ترشيحك
بس كده برده
برنامج تحت الميكروسكوب - صفحة 11 Icon_pale

انت خضتيني ههههههه
ومعلش بقه هخالفك
انا برشح لوزا زي احمد اوك؟
يللا
لوزا.......... لوزا

السلام عليكم
اخباركوا ايه ياجماعه
انا عارفه اني اتأخرت عليكوا
وانا بتمنالك التوفيق يأحمد
وكلامك اكتر من رائع ويدل على شخصيه مرحه وجاده
وشكرا للتهنئه ديه وانا بحب اشكر كل واحد بعتلي تهنئه
وكل سنه وانتوا طيبين بالعيد وان شاء الله يكون عيد كله فرح وكلنا متجمعين
وانا برشح معاكوا لوزا

الصراحة مش عارفة اقول ايه بس بجد بشكركوا جدا وبشكر اسلام جودة الاعلامى التمريضى الكبير طبعا واتمنى التوفيق للجميع تعالوا نبدأ البرنامج عشان الوقت ونقول

بسم الله الرحمن الرحيم

عدسة التعارف(عبر عن نفسك):

- تكلم عن نفسك باختصار؟

فوزية أحمد السيد محمد الغرباوى

اى خدمة الاسم كامل

الفرقة الثانية ان شاء المولى سبحانه وتعالى

محافظة الاسماعيلية

كلية التمريض فرع الاسماعيلية جامعة قناة السويس

انسة - وطالبة القرب

عندى 19 سنة وخمس شهور بس

وكفاية عليكوا كده

- صف نفسك بعشر كلمات؟

لوزةةةةةةةةةةةةةةةةةةةةةةةةةةةةةةةةةة

ده اكتر وصف ممكن اوصفه لنفسى
واحب اللى يعرفنى هو اللى يوصفنى اكتر حاجة بحبها وبقوله ديما الناس هم مرايتك اللى هتعرفك اخطائك وعيوبك ومميزاتك

- أجمل طباعك..ما هى برأيك؟

برأى انا ........... خدومة واجتماعية بطبعى وبحب ده جدا
ثانيا ان عندى موضوع الضمير جامد بحاسب نفسى علىكل شئ وبعاقبها بقسوة

- صفة تتمنى تغيرها فيك؟

انى بقيت عصبية شئ ما اخر فترة بس ده مش ديما وطبعاالسؤال ده احب اسيبه للى يعرفنى لانهم اكتر حكم عليه من نفسى

- ما هى نقطة ضعفك؟

بعتبر ان نقطة الضعف هى ديما بداية للقوة , بس نقطة ضعفى لما احس من جوايه انى اتكسرت لوزة مبقتشى هى لوزة اللى اعرفها , واكتر حاجة بتكون نقطة ضعفى وقوتى فى نفس الوقت هم اهلى مش عاوزة افسر اكتر من كده

- هل انت راضى عن نفسك؟

بجتهد فى رضى الله سبحانه وتعالى ولمااحس ان ربنا راضى عنى اكيد هكون راضية عن نفسى جدااااااااااااااوالحمد لله اولا واخيرا فى السراء والضراء

- حكمة تقريبا هى نهجك بالحياه؟

القناعة كنز لا يفنى
على مااظن ان الجملة دى ليهامعنى قوى جدا وبيعتمد عليه كل شئ

الحياء نصف الايمان, والصبر الايمان كله

- اّيه قرأنيه دايما حاطتها فى بالك؟

بسم الله الرحمن الرحيم
" اقتربت الساعةوانشق القمر " سورة القمر
"هو الذى خلق السماوات والارض فى ستة ايام ثم استوى على العرش يعلم ما يلج فى الارض وما يخرج منها وما ينزل من السماء وما يعرج فيها وهو معكم اين ما كنتم والله بما تعملون بصير "

صدق الله العظيم

كتاب الله فيه كل ما تشتهى الانفس

- متى تدمع عينك؟
دموعى ديما جوايه بعيط من جوه بحسها ضعف وانا محبش اكون ضعيفة ابدااااااااااااا

لكن بكيت جدا يوم ما جدى اتوفى

والاكتر بقه ومش عاوزة حد يضحك عليه لما بشوف حد بيعيط فى التليفزيون بجد ببكى وبتأثر اوىوبقعد ادارى فى دموعى عشانمحدش ياخد بالهوممكن اموت نفسى من العياط عشان حسيت بالموقف

دى الدموع المزيفة بقه
لكن دموع الصدق كل مااقرأ سورة يوسف يااااااااااااااااااااااا على الجمال سبحان الله

- كلمة سمعتها من شخص ما وبعدها معلقة فى ذهنك؟

كلمة اشمعنا مرة كان عندنا تدريب كنت فى الابتدائى تالتة ابتدائى بالظبط وكنا بنندرب كرة يد عشان كان عندنا دورى المدارس وبقولللكابتن اشمعنا وكانتاول مرة واخر مرة اقوله اشمعناتنزل دى مثلا وانا لاء يومها قالى اوعى اسمع الكلمة دى فوزية متقولشى كده وبجد دى كلمة فهمت معناها لما كبرت

- رقم تحبه؟

كل الارقام كويسة بس بحب 1,5,3

- أجمل خبر تلقيته...ما هو؟

فى اخبار كتير جميلة وكله خير حتى الاخبار اللى بنعتبرها سيئة فبعتبرها من اجمل الاخبار لانها ديما بتكون دافع لينا بس ممكن اقول ان فعلا يوم لماكان شخص عزيز عليه اصيب بالعمى وساعدته الغيت الحمد لله ما بصره رد له وده كان بفضل الله سبحانه وتعالى

- شخص لازم تسمع صوته كل يوم؟
صوت ضميرى بجد يوميا بحاسب نفسى حساب صعب جدا
طبعا صوت بابا وماما واخر صوت بيكون بابا والمنشاوى رحمهم رب العزة جميعا

- اجمل مرحله دراسية مريت بيها؟
انا بستمتع بكل مرحلة وكلهم الحمد لله
- هل تحب القراءة؟ وما نوعية الكتب التى تحبها؟ وما اخر كتاب قراته؟
طبعا - فى كل المجالات وبحب السياسة جدا كمان - حول العالم فى مائتى يوم لانيس منصور, وشهر زاد , زهرة العمر , رحلة بين عصرين لتوفيق الحكيم دى اخر كتب واستمتعت بيهم جدا

- لو لقيت المصباح السحرى وقال لك... شبيك لبيك..اطلب واتمنى.......ماذا ستطلب؟
هطلب منه انه يحرق المصباح وهو جواه عشانميخرجشى تانى ويعمالكسل والشعوزة فى قلوب البشر اللهم عافنا
- ورده حمرا وبيضاء ....... لمن تهدى كل واحده منهم؟؟

وردة حمرا لكل اصحابى اللى بحبهمومقدرشى ابعد عنهم وهم عارفين نفسهم كويس أحمد عبدالله , اسراء علاوى الموناليزا , احمد علاء الدين , سيكا السيد وكمان صديقنا وزميلناالجديد احمد سعد جزاه الله كل خير

وردة بيضا ودى لحبيبت قلبى وروحى انا جدتى ولدت بابا

عدسة منتدانا (هواكم هوانا):

- ما هو الشئ اللى عجبك بالمنتدى؟
تجمعنا على الخير " وتعاونوا على البر والتقوىولا تعاونوا على الاثم والعدوان واتقواالله "

- لمن من الاعضاء ستقول هذه الكلمات:

الله يخليك لينا- بصراحه فقدناك- انت فنان

أحمد عبدالله اسماعيلية - أمل سمير - نادية عثمان

اتابع كل مواضيعك- اسف اذا زعلتك يوم
فارس الرومانسية - تيتو- موناليزا - زلابيا
تفاجئنى دائما- ما فى مثلك- احييت المنتدى- اسعدتنى معرفتى بك- ما اروعك

أحمد سعد - اسلام جودة - تيتو - احمد عبدالله اسماعيلية - احمد جمال سلام بجد انا كده هقول كل الناس فى المنتدى وهخاف انسى اذكر اسم اى شخص كل الناس بجد اسعدتنى معرفتهم

شخص بالمنتدى نفسك تقابله؟
بجد كل الناس لانهم شخصيات محترمة جدا ونقابلكوا فى المؤتمر بتاعنا فى شهر 11 ان شاء الله عندنا فى الاسماعيليةوعلى مدار يومين باذن الله منتظراكوا
*عدسة التمريض(كله جديد فى جديد:
نسبة رضاك عن المستوى التمريضيى بمصر؟
اقدر احددها ان شاء الله بعد خمس سنوات حتى يكون ارتفع المعدل والنسبة عن اللى انا متخيلاه عشان عيب اوى اذكر النسبة دى
بس كل اللى اقدر اقوله اننا بنتقدم وده ملموس جداااااااااااااا

- اذا طلب منك وزير التعليم العالى ان تدلى بارائك ومقترحات للتطوير من المستوى

العلمى للتمريض- فماذا ستقترح؟

لا يا جماعة ده بينى وبينه دى اسرار

هقولك الرحمة اجمل شئ هقوله حط ايدك فى ايدنا عشان نبنى تمريض جديد بلا شوائب
هقوله اننا بندرس على اعلى المستويات لكن عاوزين نطبق على نفس مستوى الدراسة

وهقوله كتير اوى "ومن يتق الله "

ما هو الشئ الذى تريد أن تغيره فى التمريض؟
التمريض نفسه بعينه

- ما هو طموحك بالجمعية العلمية للتمريض؟
الاستمرار للامام no stopping

- هل تحب التمريض وبصراحة؟

جداااااااااااااااااااااااا والاكتر انى كنت مقدمة تمريض عسكرى بس سحبت ورقى على اخر لحظة

- - من الذى شجعك على دراسة التمريض؟
لوزة هى اللى شجعتنى وادتنى دفعة قوية اوىوطموح عالى جدا ومازالت بتشجعنى وبنقول يا رب

لو ما كنت ممرض /ممرضة ماذا كنت تود أن تصبح؟
طبيبة اطفال او جراحة
(لرؤساء اللجان) بما انك رئيس لجنة(........)ما هى خطتك القادمة؟
خطتى الاعتماد والجودة
- لما تتجوز هتشجع ولادك على دخول مجال التمريض؟

لمااااااااااااا بقى فعلا هشجعهم وهفهمهم اللىمحدش فهموا ليه وليه حرية الاختيار

عدسة النجاح والكفاح:

انجاز حققته فى حياتك العملية؟
الغيت دلوقتى اهم انجاز رضىولدىوولدتى عليه وحب الناس ليه الحمد لله ده اكبر انجاز

ماذا أضافت الجمعية لك؟
كتير جدا وفعلا هى شئ مهم

انت شايف نفسك فين بعد بعد خمس سنين؟
الله وحده هو علام الغيوب بس ان شاء الله امل انى اكون فى المكان الصح فى الوقت الصح
واخيرا كلمة توجهها لرئيس الجمعية العلمية؟
الله يعينك يااحمد انت وامل على المجهود الرائع ده والله المستعان

واسفة انى طولت اوىورخمت عليكوا

الله عليكي يا لوزة
والله شخصية رائعة وطيبة جدا جدا
ربنا يوفقك في حياتك وتنولي ان شاء الله اللي انتي عايزاه
ويوفقك ربنا ويهديكي الى ما يحبه ويرضاه
اللهم امين

الله الله

جميل جدا يا لوزة واشكرك على كلامك الرقيق

وبجد اسعدتنى معرفتى بيكى وبكل الناس هنا على المنتدى

واتمنى ليكى مزيد من التفوق والنجاح

واول مرة واشوف حد كان دافع ليه هى نفسه انه يدرس حاجة هو مقتنع بيها

وبجد حلقة رائعه وجميلة جدا

متشكرة جدا يا احمد لمرورك الجميل ده

احمد سعد بجد اناا سعد لمعرفتى بشخصية زيك وفعلا انا فرحانة بده

ومتشكرة لمرورك وكلامك الرائع

جميل جدا يا لوزه
شخصيتك رائعة
ربنا يكرمك ويوفقك

رائع يا لوزه بجد حلقه جميله وشخصيه اجمل
ربنا يوفقك

من طرف loza الخميس 17 سبتمبر 2009, 01:23

ميرسى يا جماعة لمروركوا وميرى يا كنزى على كلامك الجميل ده ومرورك

ويا رب اكون عند حسن ظنكوا ديما

طبعا يا جماعة احنا شوفنا شخصية اكثر من رائعة من لوزة
ربنا يوفقها ويكرمها ياااااااااارب
ويلا بقى بعد اذنك يا اسلام انا اسف
لو تسمحلي ابدا انا الترشيح المرادي
والنبي والنبي

ارشح

الاستاذ

الدكتور

الحاجة miss checky

هههههههههههههههههههههههههههههههههههههههههههههه

كميييين صح يلا يا تشيكي مستنينك

السلام عليكم ورحمه الله وبركاته
رجعتلكم مرة تانيه بعد الفطار الجماعى اللى كنا عملينه عندنا فى الجامعة
عشتم وعشنا جميعا من يومين حلقه من اجمل حلقات برنامجكم المتواضع
"تحت الميكروسكوب"
مع رمز من رموز كلية التمريض جامعة الاسماعليه"لوزه" اللذوذه.
انا اول مره اتعرف عليكى يا لوزه بس الواحد اتشرف والله بمعرفتك.

لوزه يا جماعه من الشخصيات المحترمه والنشيطه جدا فى كليتها.

انا فهمت من كلام لوزه انها انسانه متواضعه وقنوعه واجتماعيه وقويه وبتصمد فى المواقف الصعبة ودايما بتراعى ربنا فى كل شئ وبتحاسب نفسها على طول.........لكنى اعتقد انك انسانه متردده احيانا وضعيفه بس انتى طيبه جدا وربنا مديكى حب الناس والحمد لله.

وعجبنى اوى الموقف اللى انتى مريتى بيه وانتى فى الابتدائى وده بيعلمنا الصبر والقناعه وان محدش يزعل لو ربنا مدلوش الحاجه اللى بيتمناه واكيد ربنا هيديله حاجه احسن منها.

ولاحظت ايضا انك بتحبى الارقام الفرديه اوى ويا ريت تحكيلنا اشمعنا بتحبى رقم (1،3،5).

وفى نهاية الحلقه بشكرك جدا يا لوزه على الحوار الجميل معاكى وبتمنالك التوفيق والسعاده

وكل سنه وانتم طيبين بمناسبه عيد الفطر المبارك.

والسلام عليكم ورحمه الله وبركاته

من طرف loza الخميس 17 سبتمبر 2009, 13:00

أنا متشكرة جدا ليك يا اسلام على الرد الجميل ده بس انت كده ادتنى اكتر من حقى ولا رمز ولا حاجة كنت اتمنى ان اعتقادك يكون صح

بس لللاسف على العموم انا اكتر حاجة مبحبهاش التردد والندم والضعف

قراراتى حازمة جدا وصارمة

يعنى الخلاصة لده انى اللى بيعتمد عليها عندى فى البيت بالرغم من وجود ولاد بس تقول ايه بقه على ما اظن الجملة تفهمك شخصيتى اكتر

واخيرا وليس اخرا

موضوع الارقام بجد انا كل الارقام عندى متفرقشى كتير ما عدا رقم 7 بحبه جدا عشان كل شئ فى الكون 7 تقريبا والله اعلم

اما بقه 1,5 فانا عيد ميلادى 1/5 عشان كده الرقمين دول مفضلين عندى

اما بقه رقم 3 فده ليه عندى معزة خاصة جدا عشان فى موقف حصل معايه وكان اجمل موقف بس
انا متشكرة ليك جدا يا اسلام والله لسانى يعجز عن الشكر واتمنى انى اتعرف عليك طبعا

وكل سنة وأنتم طيب

وانا كمان معاك يا احمد وبقول تشيكى يالا يا تشيكى