رد: برنامج تحت الميكروسكوب

عسوله يا ساره يا قمر انتى

وحقيقى سما من افضل الناس اللى ممكن تقابلهم فى حياتك

ربنا يحميكم وتفضلو مع بعض على طول يارب

وحقيقى يا ساره حواراتك جميله

من طرف dr sara الخميس 07 يناير 2010, 16:06

اذيكم ياشباب
ايه اخبار المذاكرة يارب تكونو بتذاكرو كويس كووولكم
انا جايلكم النهاردة بعد توقف البرنامج فترة طويله ومعايا ترشيح
اللى انا برشحه ده مش من مجال التمريض
وهو عضو معانا فى المنتدى
وعاملنا قلبان جااااااااااااااامد اخر حاجه فى المنتدى
عايزين نعرفه اكتر ونحطه تحت عدسه ميكروسكوبنا
طبعا عرفتوه
هو الراجل الجدع هشومة
(هشام)
ايه رأيكم
مستنياكم أرائكم..........
باااااااااااااااااااااى

برنامج تحت الميكروسكوب - صفحة 16 GOO76911

برنامج تحت الميكروسكوب - صفحة 16 GOO76911

ياعينى على ترشيحاتك يا سارة

وانا اوفقك الرأى نريدك تحت العدسة حالا يللا

معاكى فى ترشيحك يا سورا
عايزين نعرفوا اكتر
يلا يا اتش عايزينك تحت عدسه الميكروسكوب

أظاهر اتش مسمعش ترشيحاتنا
يلا جماعه بصوووووووووووووووووت عالى نرشح اتش الراجل الجدع
اتش اتش اتش اتش

من طرف loza الجمعة 08 يناير 2010, 17:28

وانا معاكوا طبعا ودبل اتش كمان

يالا يا هشومة هنحللك تحت الميكروسكوب

يالا يالا يالا يا اتش
برنامج تحت الميكروسكوب - صفحة 16 Icon_cheers

هشووووووووووووووومه بيه

انت فين

ما تخافش والله بسيطه خاااااالص

يالا بقي تعالي بسرررررررررعه

هشوووووووووووووووووووومه

هشااااااااااااااااااااااااااااااااااااااااااااااااااااااااااااااااااااااام
هشششششششششششششششششششششششششششششششششششششششام
يا هشششششششششششششششششششششششششششششششششششششششششششششششششششام
شكله مش سامع ولا ايه
يا هشاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام
عاوزينك في برنامج تحت الميكرسكوب

رد عليا
كده سمعت
سمعت ولا لا
بقولك عاوزينك في برنامج تحت الميكرسكوب
يالا بقي تعالي
متتاخرش

مستنيينك

من طرف hashoma السبت 09 يناير 2010, 07:54

بصراحة يا جماعة أنا مش عارف أقول لكم إيه

أنا اتخضيت ومكنتش مصدق إني ضيف الجولة دي

بالرغم من إني بقضي كل يوم ساعة تقريبا على المنتدى بعد انتهاء ميعاد شغلي

بس بقالي كام يوم الشغل ضاغط ومش بلحق حتى آكل إلا مرة واحدة ف اليوم والله

ولولا الأمل في الحياة والتمسك بملابسي كنت اختفيت

ههههههههه

والله يا شباب أنا متشرف بيكم كتييييييييييييير

وبكلم ناس كتير هنا عن المنتدى

وربنا ييسر علينا فترة الامتحانات دي

ويرجع المنتدى تاني (عامل صداع) دايما ياااااااااااااااااااا رب

***********
وبالنسبة لتقديم د/ سارة
أنا فرحت بيه جداً جداً جداً وجدةً وعماً وخالاً
وبابا وماما وتوتو وطنط عديلة ....
وبنهديلهم أغنية:
يا ميكروسكوب الهنا --- عقبال ما نشرف تحته كلنا

..
وكمان نداءات الأفق اللي سمعتها من
لوزة والبرنسيسة ورشروشة وموناليزا وباربي (اللي حسيت إنها بتديني حقنة)
ومن غيرهم اللي متابعين الموضوع
وكل أعضاء وزوار المنتدى
*****
يشرفني والله إني أكون ضيفكم
وأتمنى أكون ضيف (جدع) جداً
كما أتمنى إن الأسئلة هي كمان تكون (جدعة) جداً جداً جداً (وبابا وماما وتوتو هههههه)
******
ياللا يا جدعان
اللي في نفسه حاجة يقول
******

من طرف dr sara السبت 09 يناير 2010, 12:54

بعد انتظار طووووووووووووووووووووويل
اشرق علينا بطلته فى برنامجنا
برحب بضيفي العزيز هشام وبقوله اجهز يا بطل
انت تحت الميكروسكوب دلوقتى
وبصراحه انا ملقيتش افضل من اسئله اسلام لانها شامله كل اللى احنا عايزين نعرفه
مع اضافه بعض الاسئله
*
[عدسة التعارف(عبر عن نفسك):
]- تكلم عن نفسك باختصار؟

- صف نفسك بعشر كلمات؟

- أجمل طباعك..ما هى برأيك؟

- صفة تتمنى تغيرها فيك؟

- ما هى نقطة ضعفك؟

- هل انت راضى عن نفسك؟

- حكمة تقريبا هى نهجك بالحياه؟

- اّيه قرأنيه دايما حاطتها فى بالك؟

- متى تدمع عينك؟

- كلمة سمعتها من شخص ما وبعدها معلقة فى ذهنك؟

- رقم تحبه؟

- أجمل خبر تلقيته...ما هو؟

- شخص لازم تسمع صوته كل يوم؟

- اجمل مرحله دراسية مريت بيها؟

- هل تحب القراءة؟ وما نوعية الكتب التى تحبها؟ وما اخر كتاب قراته؟

- لو لقيت المصباح السحرى وقال لك... شبيك لبيك..اطلب واتمنى.......ماذا ستطلب؟

- ورده حمرا وبيضاء ....... لمن تهدى كل واحده منهم؟؟

-ماهى صفات الصديق الحقيقى بالنسبه لك؟
-ماذا تعنى هذه الاشياء لك؟
(البحر- الليل-الكليه-الصداقه-منتدانا-المرايا)
-لو رحت رحله حول العالم مين من اعضاء المنتدى تاخده معاك؟
مارأيك وبصراحه فى المنتدى؟
اكتر موضوع عجبك فى المنتدى؟
رأيك عن التمريض بصفه عامه؟
اكتر حاجه زعلتك فى المنتدى؟
مستنين ردودك واجابتك فى اسرع وقت

برنامج تحت الميكروسكوب - صفحة 16 18706_01260410452

برنامج تحت الميكروسكوب - صفحة 16 18706_01260410452

يالله يا هشام احنا مسنيين

من طرف hashoma الخميس 14 يناير 2010, 19:07

أنا جيييييييييت (أخيراً)

ودلوقتي هخش ف الموضوع وهحاول أجاوب

]-تكلم عن نفسك باختصار

اسمي هشام عبد المجيد أحمد

أخو دعاء (مس تشيكي)
وفي نفس الوقت هي كمان أختي
ههههههه

بس أنا بعتبرنا أنا وهي والمفعوصة اسموسة (شلة الهبل في البيت) اصحاب
ومعانا وفاء (أم المعلم أحمد)

والكلام عن النفس
دا شيء صعب بالنسبالي جدا
الأسهل أجاوب أسئلة محددة مركزة
ها
عايز تعرف ايه عني ؟

- صف نفسك بعشر كلمات

1- فرفوش
2- جريء (غالبا)
3- اجتماعي (بسهولة)
4- متسامح (ودي مشكلتي)
5- متطلع (لمستقبل فيه خير سائد عالكل)
6- زاهد (في كل ما هو فاني)
7- طماع (في لحظات الحب والخير)
8- استغلالي (في كل مصدر للحسنات والثواب)
9- بخيل (لأني أساسا مش بعرف أصرف فلوسي في إيه ههههه)
10- كريم (جدااااااا مع كل انسان محتاج يعرف معلومة أنا عارفها)

- أجمل طباعك..ما هى برأيك؟
بحب الضحك، وأكره النكد

- صفة تتمنى تغيرها فيك؟
باخد وقت كبير على ما أستعد للشغل

- ما هى نقطة ضعفك؟
الستات هههههههههه

لا لا بجد نقطة ضعفي لما الاقي واحد بيتحايل عليا وبيستعطفني
بنفذ اللي عايزه في ثانية
حتى لو كان معرفوش وحتى لو كان فيه تعب وإرهاق ليا

- هل انت راضى عن نفسك؟
أكيد طبعا ..

(((( لأ ))))

- حكمة تقريبا هى نهجك بالحياه؟
هي مش حكمة بالظبط
بس دي كانت كلمة انا قلتها وجربتها كتير
وتأكدت من صحتها:

الدنيا تجري بسرعة رهيبة

فإن أردتها .. فرَّت منك .. ولن تلحق بها أبداً ما حييت

وإن فررتَ أنت منها .. أرادتك هي .. ولن تسلم من أحضانها

- اّيه قرأنيه دايما حاطتها فى بالك؟
((... إن الباطل كان زهوقا))

- متى تدمع عينك؟
دا بيحصل كتييييييييييير
في أوقات الفرح
ولما تشوف لحظة فيها البشر بشر صافيين من كل شائبة
ولما تشوف واحد غني ومتواضع مع الناس
ولما تشوف واحد مسكين وبيضحك لأنه ما يملك إلا الضحكة
ولما يكون واحد انت بتحبه من كل قلبك .. وتلاقيه هو كمان بيحبك من كل قلبه
ولما تصالح حبيبك بعد خصام ، وتاخده في أحضان عينيك ومشاعرك ، وتقول له : حقك عليا ..
وهو يقوللك : مش زعلان خلاص لأني باختصار ..
بحبك

وكمان عنيا بتدمع
في أوقات الحزن ..
لما تشوف الظلم والقهر
ولما تصعب عليك نفسك ومتقدرش تدافع عنها
ولما تكون بتحب واحد من كل قلبك .. وتلاقيه ولا على باله بالرغم من إنك بينت له اللي في قلبك
ولما يكون عندك أمل تصالح حبيبك اللي زعلته .. لكن هو تلاقيه قفل الباب في وشك

مش قلتلك عنيا بتدمع كتير ..!!

- كلمة سمعتها من شخص ما وبعدها معلقة فى ذهنك؟
ما ضاقت إلا ما فرجت

بتحصل ليا كتييييييير

وكمان : دوام الحال من المحال (أو هدوء ما قبل العاصفة)

ودي بتفكرني بأغنية ليلى مراد (الحب جميل)

بتقول في آخرها :..

لما يخاصمني .. أفرح وأصور فرحتي لما يصالحني
وإن جه صالحني .. أبكي من خوفي لا يخاصم تاني

شايفين يا رجالة
أهو هما كده
ماشيين بالعكس
هههههه

- رقم تحبه؟
أرقام كتير

بتفاءل برقم 7
بحب رقم 10 (بشعر انه مميز لأنه بداية مرحلة جديدة)
و21 عشان يوم ميلادي (في عيد الأم 21 مارس)
و 22 عشان يوم ميلاد واحد كده (هتعرفوه بعدين)
و 23 عشان يوم مناسبة جمعتنا أنا والأخ بتاع يوم 22 (اللي هتعرفوه بعدين)

- أجمل خبر تلقيته...ما هو؟
لما قاللي صاحب الشغل إننا هنروح نعمل عمرة

ودا كان حلمي إني
أشوف مركز الأرض

وكمان اشوف حجر من
أحجار الجنة والمسه بإيدي (الحجر الأسود)

- شخص لازم تسمع صوته كل يوم؟
لما كنت في مصر كان لازم اسمع صوت
محمد رفعت الساعة 7 الصبح

إنما هنا ...
.......
.....
..

- اجمل مرحله دراسية مريت بيها؟

تقريبا 3 ثانوي
عشان كانت مليانة قصص كتييييييير حصلت ليا مع زملائي
وكنت أنا بطل القصة

- هل تحب القراءة؟ وما نوعية الكتب التى تحبها؟ وما اخر كتاب قراته؟
مش بحبها ..

بعشقها .. ومن صغري

لأنها مقدمة على أكلي وشربي ونومي
(وساعات الحمام كمان ههههههه)

وكانت أمي دايما تقول :

كنت بتفرج عليه
من البلكونة وهو ماشي في الشارع
لما بيلاقي ورقة مرمية .. بيشيلها ويشوف مكتوب فيها إيه

ودلوقتي لما بكون لوحدي بفتح أي كتاب أو موضوع أقرا فيه ، عشان أكيد فيه معلومة مكتوبة عشاني

أما نوعية الكتب حسب الحالة المزاجية هي طالبة معاها إيه
ومفيش عندي آخر كتاب
لأني ممكن أقرا في أكتر من مجال في يوم واحد

(زي ما قلت حسب طلبات الست هانم- الحالة المزاجية)

- لو لقيت المصباح السحرى وقال لك... شبيك لبيك..اطلب واتمنى.......ماذا ستطلب؟

لو كان زي ما قلت
(المصباح السحري)

هقول له : إطفي نفسك لما تلاقيني عايز انام
ههههههههه

إنما لو كان قصدك
(مصباح علاء الدين السحري)

هقول له : إجري العب بعيد يا شاطر

تطلب انت إيه وانا أدعيلك ربنا ينفذهولك

- ورده حمرا وبيضاء ....... لمن تهدى كل واحده منهم؟؟

لو كانوا ورد طبيعي .. هخليهم معايا أحسن .. لأني بعشق الورد من صغري

إنما لو كانوأ بلاستيك (هههههه)

أهدي الحمرا (لبنت أمورة) .. والبيضاء (لولد أمور)

ههههههههه

-ماهى صفات الصديق الحقيقى بالنسبه لك؟

الصديق الحقيقي هو اللي بيقدم صديقه على نفسه

واللي عمره ما بيفكر يطلب مصلحة لنفسه من صديقه

واللي عمره ما يفكرك بموقف خير عمله فيك

واللي عمره ما بيفكرك بموقف مش كويس عملته انت فيه

واللي دايما بيكون فاكرك في كل وقت وموقف بيحصل له

-ماذا تعنى هذه الاشياء لك؟
البحر
الهوا النظيف
النسمة الحلوة في وقت الحر
الأسرار الغريقة
صوته جميل
ومستحيل تلاقي حد يكرهه

الليل
الليل عندي كأنه
واحد بيقوللي تعالى بأه يا حلو
سيب نفسك كده ..
وخرّج كل اللي جواك معايا براحتك

الكلية
ماكيت مصغر
للعالم الخارجي اللي هتشوفه بعد ما تتخرج

لأنه فيه كل أنماط الناس

الصديق والخبيث
.. الكريم واللي بتاع مصلحته
قناص الفرص .. والاناني ..
واللي بيفكر في غيره قبل نفسه

والبنت الجميلة من نفسها ..

والبنت اللي لو ركزت فيها هتشوف رقم موبايل النقًّـاش اللي نعّمها ولونها ههههههه

وفي الكلية تشوف بداية تعامل الناس معاك على إنك راجل كبير أو بنت ناضجة عليكو مسئولية شخصية تجاه نفسكو وغيركو ودينكو وبلدكو

والكلية كمان فيها : ...

هي : بتحبني ..؟؟
هو: أيوة بحبك من كل قلبي..
هي: طيب هتيجي تخطبني إمتى ..؟؟
هو: لما أتخرج علطول هتقدم لبابا واطلب إيدك
هي : طيب الحق نفسك عشان امبارح اتقدملي عريس عنده شقة وبيشتغل في الكويت
هههههههه
(ساعتها تحس انت بلحظة إحباط)

الصداقه

شيء نادر تلاقيه صافي في الزمن دا

منتدانا

مجتمع صغنون جميل جدا

ومعوضني عن غربتي وعن كمية الغباء اللي هنا

يا شباب
محدش يفكر تكون السعودية وللا دول الخليج وللا غيرها من طموحاته

لأنه هيتمنى في لحظة إنه ينزل مصر وياكل تراب

فالأحسن ..
تاكل تراب وانت في بلدك أحسن ههههههه

المرايا

بشوف فيها الناس شايفة إيه أنا مش شايفه

وساعات بشوف فيها واحد .. هو الوحيد اللي عارف عني كل حاجة

-لو رحت رحله حول العالم مين من اعضاء المنتدى تاخده معاك؟

اللي هتكون قاعدة جنبي مس تشيكي طبعاً (وهتكون جاية على حسابي كمان)

وباقي الطيارة هيكون فيها (من غير أسبقية أو تفضيل) :

د/ سارة - بارباريتا - رشروشة المنكوشة - البرنسيسة - لوزة - وسالخير عالست مانة - وغيرهم

إنما بالنسبة للشباب (اللي شفتهم قليلين) : أحمد قطب - غنيم اللي بينافسني بأفلام السينما-
وأحمد سلام - والبدراوي

مارأيك وبصراحه فى المنتدى؟

بلاش أقول رأيي في مرحلة الامتحانات دي

لأنه أكيد دا مش مستواه ولا تفاعله

خلي رايي بعد ما ترجعو تشتغلو تاني

اكتر موضوع عجبك فى المنتدى؟

الإجابة بسيطة :
هي المواضيع اللي أنا بشارك فيها كتييييييييير

ولو عايزين تعرفوها
شوفوا مشاركاتي

(زي حكمي في موضوع لعبة الأحكام)

رأيك عن التمريض بصفه عامه؟
معرفش عنه حاجة من زمان
لأني مبحبش المستشفيات ولا وجوها

وعلى رأي اللي قال زمان :

اللهم خرجني من البلا بلا بلا

اكتر حاجه زعلتك فى المنتدى؟
قلنا بعدين
بعدييييييييييين

- ما هو الشئ اللى عجبك بالمنتدى؟
كل اللي فيه
بيحبوا بعض ودمهم (شربات ياخوااااااتي شربات)

- لمن من الاعضاء ستقول هذه الكلمات:
الله يخليك لينا-

كل من (شال) المنتدى على اكتافه وحسينا بأهميته وتفاعله مع الجميع

بصراحه فقدناك-

أنا لسة جديد ، ولسة بعد الشر عنكو مفقدتش حد
هههههه

انت فنان-

كل واحد له فنه في جانب معين ..

فيه فنان في اختيار صوره الشخصية (د/ سارة - باربي - مس تشيكي - روشتة)

وفيه فنان في تصاميمه وتصاويره عالـ(فوتو شوب) وكلنا عارفينه

وفيه فنان في أسلوب كلامه لينا ورده على الموضوعات ومشاركاته

اتابع كل مواضيعك-

مس تشيكي (دا إجباري)

روشتة المنكوشة (رشروشة)

لوزة

د/ سارة

وطبعا تابعت الفيلم الرعب المؤثر جدا الرومانسي اللقائي الاستلقائي بتاع باربي
في موضوعي (ورينا شطارتك في التأليف)

وغيرهم كتييير

اسف اذا زعلتك يوم

من غير تفكير هقول (البرنسيسة)

تفاجئنى دائما-

د/ سارة - ثم روشتة - ثم باربي

حتى صارت المفاجاة
في حد ذاتها شيء طبيعي ومش مفاجئ
(يا سلام يا سلام)

ما فى مثلك-

كل واحد له زاويته اللي مافي مثله حد فيها

احييت المنتدى-

أنا
هههههههههه

اسعدتنى معرفتى بك-

رشروشة المنكوشة

ما اروعك

كلهم

وبالذات د / سارة

شخص بالمنتدى نفسك تقابله

كله هيقابلني بإذن الله قريب

وخليكو فاكرين

***********

اسمحولي أختم
الحلقة أنا

إحم إحم

وفي نهاية حلقتنا
من (تحت الميكروسكوب)

بنلبس (جوانتي)
وبنسلم على ضيفنا

اللي طول الحلقة
حاسس إنه عينة تحاليل

والناس كلها بتبص برنامج تحت الميكروسكوب - صفحة 16 Icon_eek

عليه

ضيفنا

اللي دايماً عامل أزعرينا للمنتدى

ضيفنا

الخفيف التقيل

أخونا الكبير

الراجل الجدع
(دايماً يا رب)

هشومة
برنامج تحت الميكروسكوب - صفحة 16 Icon_farao

*************
والسلام عليكم
ورحمة الله وبركاته

بجد يا مها يا قمر

انتى سالتى كل الاسئله اللى ممكن تيجى ببالنا

وحقيقى عرفتينا بهشام

بس انا عاوزة اساله واقوله

ليه مجال شغلك مختلف عن مجال دراستك؟؟؟

هل اختارت مجال دراستك بمزاجك ولا المجموع؟؟؟؟؟؟؟؟

اكتر مكان بتحب تروحه لو اتضايقت؟؟؟

مين اقرب حد لهشام؟؟؟؟؟؟؟

كفاية كده علشان عارفة انك مشغول بشغلك

من طرف hashoma الخميس 14 يناير 2010, 23:21

هو فيه حلقة تانية في البرنامج وللا إيه؟

لا لا لا لا
متفقناش على كده

فين المخرج

بطل بص في الميكروسكوب وكلمني

انا هدخل البتاع دا تاني وللا إيه ؟

طيب نستأذن باقي هيئة المحلفين

لو عايزين

مقدرش أرفض ليهم طلب

أيوة ماهي فرصة بأه

كله بيمتحن ومحدش فاضي يدخل مكاني

بتجيبوني تاني عشان ميكونش فيه حلقات فاضية

أنا هاجي بس بشرط

المواصلات على حسابكو المرادي

هو المرتب في كام 75 قرش عشان أبعزقهم على المواصلات

ههههههههه

بجد يا هشام انت شخصيه جميله جدا
وعاقله وناضجه وعارف انت بتعمل ايه كويس اووووووووووووووووى
وكمان شخصيه دمها خفيف
بس انا بردوا معرفتش انت بتحب رقم 22 و 23 ليه؟؟؟؟؟؟؟؟؟؟؟؟؟؟؟؟؟؟؟
أصلى بصراحه رخمه وعايزة أعرفDDDDDDD

من طرف loza الجمعة 15 يناير 2010, 14:09

بجد انا مش اعرفك غير من خلال المنتدى بس فعلا انت انسان كويس وعقلية كويس بيظهر فى كلامك

وردودك اللى بتكون كلها ضحك وهزار بس ليها هدف تانى ومغزى تانى غير الضحك

اتمنالك حياة سعيدة وافضل

وعاوزين نعرف 22 و23

من طرف hashoma السبت 16 يناير 2010, 21:14

إيه يا بنات

ياريتني خليت ردودي كلها 22 و 23

عشان تعلقوا عليها كلها

هي دي بأه الحادسة السادسة بتاع الستات ؟

عموماً دا مشروع فكهاني بيني وبين الشخص دا
واخدة بالك يا رشروشة ؟

ابقي لمي البنات واقعدوا ودودوا
*********
متشكر ليكي جداً يا برنسيستنا

وانتي يا لوزة بجد من الناس اللي نفسي أقابلهم

بس زي ما قلتلكم
بإذن الله هنتقابل كلنا ونسلم على بعض
في يوم ما هكون قاعد جنب الجدع أبو 22 و 23 ده
هههههههه
*****
ربنا يوفقوا كوووووووولكم
واسمع دايماً أخبار جميلة عنكم
*****

اعذروني أنا سارق دقايق بعد وقت الشغل عشان اكتب الكلمتين دول

وبكرة بإذن الله
هتلاقوا الرد على كل تساؤلاتكم

(أسئلتك قلبت عليا المواجع يا رشروشة )
*****

ربنا يخليكوا ليا دايما سالمين
وأفرح بكلامي معاكم
****
برنامج تحت الميكروسكوب - صفحة 16 Icon_farao

ههههههههههه

والله انا فضلت ليله كامله يا بنات استدرجه يعترف

بس ماعرفتش حاجه

شفت لو كنت قلتلى كنت هقف معاك

احسن فرحانة فيك

يللا قولهم يا حلو وقعت فى شر اعمالك

من طرف barbarita الأحد 17 يناير 2010, 22:53

استااااااااااااااذ هشومه

بجد اجاباتك راااااااائعه وفعلا دى اجابات حد فاهم وواثق من نفسه
عارف هو عاوز ايه وهيعمله ازااااااى

وبجد انت شخصيه مرحه جداااااااا يمن علشان تخف من الضغط اللي عندك ف الشغل شويه
بس انت حد كويس بجد وان شاء الله نعرفك قريب

بالنسبه بقي لموضوع 22 و23 ده
داااا موضوع كبييييييير اوى يا بنات
موضوع العمر كله .....هااااا فاهمين

ربنا يتمم الموضوع ده علي خير
بس ابقي احجزلنا تربيزه كده يكون موقعها حلو ليا انا والبنات

اووووووووووووووووووووووووك

ومش هوصيك بقي انت عارف .....

ويالا مستنين باقي اعترافاتك

باررررررررربي ..

متشكر جدا يا أمورتنا على زوقك وإحساسك

وانتي كده جبتي م الآخر

وبالمناسبة يا جماعة أنا أعلن للجميع

ومن موقعي تحت الميكروسكوب هنا

نتيجة الحلقة الأولى لموضوع (ملكة جمال المنتدى)

الفائزة بتاج ملكة جمال الحلقة الأولى للموضوع

هي ..

...

طبعا ..

الأمورة ...

ذات النظرة الشاردة ..

والبراءة ..
(وشوية حاجات كتيييرررررر كده)

الأمورة (بارباريتا)

تستاهل والله

تهانينا يا باربي (وعقبالي )
****

وبعدين يا بنات متهيألي دا برنامج تحت الميكروسكوب

مش كرسي الاعتراف

ههههههه

اصحوا يا بنيآدمين

طيب فين الشباب ..!!

هي دي المجدعة ؟؟

سايبين البنات (يقرروني) كده ..؟

********

بإذن الله يا شباب
أتمنى تكونوا إنتوا اللي عاملين الهيصة
وقرايبي القريبين

مش أكتر

ومتخافوش هيكون صف الترابيزات الأمامي كله محجوز ليكم

بس عايز يومها هيصة هيصة

وهبل كده من النوع العبيط أيام الجنان

حاجة كده زي ما تقولوا رومانسي × رومانسي

*****
عقبالكو كلكو
شباب وبنات
لما تتزنقوا زنقتي دي
برنامج تحت الميكروسكوب - صفحة 16 Icon_biggrin

****

واحد من الجدعان

هشاااااااااااااااااااااااااااااام
اسفه جداااااااااااااااااااااااا
رديت متاخر اووووووووووووووووووووووووووووووى
بس اعزرنى الامتحانات والله
بجد من اروع الحلقات الللى عملناها تحت الميكريسكوب
وبجد شخصيه جامده جداااااااااااااااااااااااااا
ويارشروشه انا ساره ا حبيبتي اللى عامله الحلقه مش مها
بس فى بيتها متفرقش واحد
برنامج تحت الميكروسكوب - صفحة 16 18706_01260410452

وحشتوني والله Sad