رد: برنامج تحت الميكروسكوب

انا قرات كل ردودكم عن ام الطلبة .....انا عارفة انكم حاولتم توصفوها

بس للاسف الوصف ده ناقص كتيييير لاني اعرفها عن قرب

انسانة ..رقيقة.. شفافة ..مضحية ..طموحة.. صبورة ..عظيمة ..معطاءة.. حساسة ..وقورة

ذكية.. لطيفة..محبة للخير ..غنية النفس.. مرهفة الحس ..خفيفة الروح ............

اكدب عليكو لو قلتلكم اني وفيتها حقها

لها نصيب من اسمها فهي تحب ان تبعث السرور والهناء على من حولها

ام بكل ما تحملها الكلمة من معان

واقول لكي: يا امنا الحنون ..دومي على السنين..مرفوعة الجبين..

. يا مصنع الرجال ..يا معهد الابطال..انتي لنا العرين

تقبلي كلماتي المتواضعة واعلم انك اشد تواضعا(وفقك الله)

ياجماااااااااااااعة حد ينده على كنزي

فينك يا كنزى صحيح

من طرف Ghada الإثنين 17 أغسطس 2009, 16:50

بسم الله الرحمن الرحيم
اولا يا جماعه احب اشكر اسلام اولا وكل الناس اللى رشحونى ثانيا
واتمنى انكم تكونوا مستمتعين بالحلقه دى وعايزه انتقادات بلا حدود لانى فعلا هتكلم بكل صراحه
يلا بلاش نضيع وقت ونبدأ بأول سؤال
صف نفسك بعشر كلمات
مش عارفه اوصف ملامحى ولا صفاتى مش مشكله نقول الاتنين
انا متوسطه الطول متوسطه الوزن بحب الهزار متفائله طموحه جدا عصبيه اجتماعيه اعشق المناقشات الجاده
مش عارفه اقول ايه تانى
اجمل طباعك ما هى برايك
الابتسامه والتفاؤل
صفه تتمنى تغيرها فيك
العصبيه وسرعه الثقه بالاشخاص
ما هى نقطه ضعفك
بصراحه انا مش عارفه بس انا عجبنى اوى رد رئيس الجمعيه
لو عرفت نقاط الضعف لتحولت لنقاط قوه بصراحه كلمه رائعه ورد دبلوماسى
هل انت راض عن نفسك
الى حد ما ولكن الحمد لله على كل شى
حكمه تقريبا هى نهجك في الحياه
من جد وجد دع الايام تفعل ما تشاء
اعمل لدنيتك كأنك تعيش ابدا واعمل لاخرتك كانك تموت غدا
ايه قرانيه حطتها في بالك
بصراحه ايات كتير
وجعلنا بعد العسر يسرا
ان بعض الظن اثم
وقل اعملوا فسيرى الله عملكم ورسوله والمؤمننون
متى تدمع عيناك
لما بودع الناس اللى بحبهم بصراحه لحظات صعبه اوي
ولما بشوف الكعبه بصراحه مشهد مهيب تخشع له قلوب البشر
كلمه سمعتها من شخص وبعدها معلقه في ذهنك
لكل مجتهد نصيب
رقم تحبه
5
اجمل خبر تلقيته ما هو
نتيجه تانيه ثانوى الكل كان بيقول مبروك يا دكتوره وانا اقولهم لامهندسه الحمد لله ولا ده ولا ده الخيره فيما اختاره الله
شخص لازم تسمع صوته كل يوم
سامى يوسف
اجمل مرحله دراسيه مريت بها
الاعدادى لانى عملت اكبر صداقات وكنا بنذاكر ونطلع الاوائل وكانت الدنيا بخير
هل تحب القراءه
احيانا
وما نوعيه الكتب التى تقراها
بحب كتب الطب ورجل المستحيل وفلاش الفكاهيه والقران الكريم طبعا
وما اخر كتاب قراته
كتاب anatomy
لو لقيت المصباح السحرى وقالك شبيك لبيك اطلب واتمنى ماذا ستطلب
اطلب دوام الصحه لبابا وماما
ورده حمرا وبيضا لمن تهدى كل واحده منهم
ورده حمرا لخطيبى فى المستقبل
ورده بيضاء لبابا وماما واخواتى
عدسه منتدانا هوانا هواكم
ما هو الشى اللى عجبك بالمنتدى
التجمع الكبير للاعضاء واحساسى ان كلهم عارفين بعض والشفافيه والصراحه والانتماء للجمعيه كمان في موضوعات كتير كانت مفيده بالنسبه لى
لمن من الاعضاء ستقول هذه الكلمات
الله يخليك لينا بصراحه فقدناك انت فنان
احمد عبد الله دموع القمر
اتابع كل مواضيعك اسف اذا زعلتك يوم
تيتو اميره الاحزان دلوعه دميدو
تفاجئنى دائما ما في مثلك احييت المنتدى اسعدتنى معرفتى بك ما اروعك
رشروشه اسلام ام الطلبه
شخص بالمنتدى نفسك تقابله
كل الاعضاء والله نفسى اشوفهم واكلمهم فاس تو فاس
عدسه التمريض كله جديد في جديد
نسبه رضاك عن مستوي التمريض بمصر
60%
اذا طلب منك وزير التعليم العالى ان تدلى بارائك ومقترحاتك للتطوير من المستوى العلمى للتمريض فماذا ستقترح
تجهيز المعامل باحدث الوسائل وعمل تدريب صيفى في كل الجامعات ويكون اختيارى
الغاء الشيتات لانه مشروع فاشل جعل العمداء من خريجى كليه التمريض لانهم هيكونوا احرص الناس على المصلحه العامه
الاسئله الاضافيه
نصائح توجها للممرضين والممرضات
اتقوا الله فى عملكم وعليكم باتقان العمل
حبوا ما تعملوا حتى تعملوا ما تحبوا
ما هو الشى الذى تريد ان تغيره بالتمريض
نظره الناس له والمعامله والسمعه حاجات كتير اوى بالاضافه انه لازم يكون فى فرق واضح بين خريج الكليه وباقى فئات التمريض
ما هو طموحك بالجمعيه العلميه للتمريض
انها تنتشر وتكبر وتوصل لكل جامعات مصر
هل تحب التمريض وبصراحه
مش كل الاقسام ولكن بعشق تمريض الحالات الحرجه ال icu
من الذى شجعك على دراسه التمريض
ماماوبابا وبنت خالتى
لو ما كنت ممرض/ممرضه ماذا كنت تود ان تصبح
مهندسه بترول
انا مش رئيس لجنه لان مش عندنا جمعيه
لما تتجوز هتشجع ولادك على دخول التمريض
لهم مطلق الحريه مع بعض التوجيه
عدسه النجاح والكفاح
لم احضر المؤتمر
لسه والله محققتش اى انجازات فى حياتى العمليه يمكن فى المستقبل
شخصيه تمريضيه تعتبرها مثلك الاعلى
لسه مقابلتش الحد اللى فى احلامى
ماذا اضافت الجمعيه لك
بصراحه انا مليش علاقه بالجمعيه لكن المنتدى خلانى اعرف ناس اكتر واتعرف اكتر على اوضاع التمريض فى مصر وازاى نقدر نطورها ونطور نفسنا

انت شايف نفسك فين بعد خمس سنين
بحضر الماجستير ان شاء الله
كلمه توجها لرئيس الجمعيه
احب اقوله الف شكر على كل اللى قدمه وما زال بيقدمه وعجبنى اوى رد ام الطلبه في النقطه دي
اسفه يا جماعه طولت عليكم بصراحه انا سعيده جدا لترشيحكم لى هو انا كنت عارفه قبلها بس مكنتش متوقعه ان الموضوع هيجى بالسرعه دى بس بصراحه دي فرصه جميله ويارب مكنش ضيف تقيل عليكوا ومتنسوش طلبى اول الحلقه ويارب يوفقنا جميعا

ردود ررررررررررررررررائعه ياغاده وبصراحه كان نفسي اعرف اسمك
اتمنالك التوفيق
واحنا استمتعنا واتشرفنا بمعرفتك عن قرب
وكل سنه وانتي طيبه

جميل يا غدغودة

انا كنت مستنية الحلقة بتاعتك من زمان عشان انا عمري ما شفتك

فكنت عايزة اعرفك اكتر انتي شخصية جميييلة يا (غادة ولا كنزي؟)

تقبلي مروري

الاول كل سنة وانتى طيبة بمناسة عيد ميلادك

وطبعا مشرفنا وجودك فى المنتدى وهيشرفنا اكتر لما تكونى معانا فى الجمعية

ياااااااااااااااااااااااااااجماعة
نرشح مين المره الجايه
انا بقول
نرشح
نرشح

ن
ر
ش
ح

ا
ح
م
د

احمد سعد

ميرسى ليكم يا احلى اعضاء
شكرا يا مها يا حبيبه قلبى واموره اللى منوره المنتدى وشكرا ليك يا احمد
انت واسلام على ترشيحى بجد مش عارفه اقولكم ايه
يلا نرشح عضو جديد انا معاكى يا مها

vote to Ahmed Saad

السلام عليكم ورحمه الله وبركاته
مساء الخير عليكم جميعا وكل سنه وانتم طيبين
وكل سنه وانتى طيبه يا كنزى بمناسبه عيد ميلادك و
انا اسف على تاخرى فى الرد عليكى
والله يا جماعه انا بشكر كنزى على تلبيتها الدعوه لينا باستضافتها فى البرنامج
وشكرها الجامد ليا على البرنامج واهتماها الكبير بالمنتدى
كنزى دى يا جماعه من انشط الاعضاء فى المنتدى كله لانها متابعه كل المواضيع والردود ودايما تشارك بكلامها ومواضيعها الجميله.

والله انا استمتعت بالحلقه اللذيذه دى لان كنزى انسانه جميله ودمها خفيف وعندها انتماء جامد اوى للتمريض .
وقدمت حلول حلوه اوى لمشاكلنا الخاصه بالتمريض فى مصر.
على فكره يا جماعه كنزى والدها دكتور باطنى وانا استغربت لما عرفت كده..........انتم عارفين ليه؟.....................لانى ازاى والدها رضى انها تدخل تمريض برغم انه يعرف كويس اوى ازاى التمريض فى مصر بيعانى من المشاكل .........ولما سالت كنزى قالت لى ان والدها هو اكتر واحد شجعها ونصحها انها تدخل كليه التمريض .
وفى نهايه الحلقه بوجه رساله شكر لكنزى وبقولها ربنا يوفقك وتحضرى الماحجستير والدكتوراه وتبقى دكتوره فى كليه التمريض ان شاء الله
اتمنى ان اتكونم استمتعتم معنا والسلام عليكم ورحمه الله وبركاته.

هناااا
بحبك بجد ونفسى اصلى جنبك فالحرم

غادة منورة المنتدى بجد وكل سنه وانتى طيبه
قريب جدا ان شاء الله هيكون فى جمعية فالمنيا

اسفة عالتاخير في الرد يا كنزي

بس المنيا بعيدة اوي تتوقعي ييجي لنا يوم ونتقابل؟

عموما كانت الحلقة جميلة وعرفتنا عنك شوية ونفسنا نعرفك اكتر واكتر

بجد يا كنزى ردودك رقيقه وجميله

وحقيقى نورتينا فى البرنامج

ويارب تحققى كل احلامك وامالك

واشوفك يارب عميده لكليه التمريض

السلام عليكم ورحمه الله وبركاته
ازيكم عاملين ايه وايه اخبار الصيام معاكم؟
فين يا جماعه الترشيحات مفيش الا كنزى ومها هما اللى رشحو احمد سعد
يا ريت تقولولى انتم بترشحو مين بالظبط
انا عن نفسى برشح احمد سعد
انا اينعم معرفكش يا ابو حميد بس لمساتك الجميله فى المنتدى شوقتنى انى اعرفك اكتر
يلا يا جماعه فين الترشيحات
يحيا سعد...........يحيا سعد

انا كمان بختمها وبقول احمد سعد

سعد

سعد

عاوزين

سعد

كل سنه وانتو طيبين
انا برشح احمد سغد

من طرف Ghada الأحد 23 أغسطس 2009, 20:19

فينك يا احمد
حد يندهله

من طرف ahmed saad الأحد 23 أغسطس 2009, 23:42

السلام عليكم

ازيكم كلكلم يا شباب كل سنة وانتوا طيبين ويارب تكونوا بخير واسف على التاخير

عدسة التعارف

اتكلم عن نفسك

انا احمد سعد

كفر الدوار - محافظة البحيرة

كلية تمريض بنى سويف - الفرقة الثالثة

بابا موظف فى مكتب استيراد وتصدير

وماما مدرسة واخويا اسلام فى اولى ثانوى وهى دى بس اسرتى

صف نفسك بعشر كلمات ؟

الصراحة مش بعرف اتكلم عن نفسى كتير بس هحوال

شخص غريب وده راى صحابى فيه بيقولوا انى شخص غريب مش زى اى حد عرفوه

بحب صحابى جدا وبحب التمريض كمهنة بقبل النصيحة طموح بس مش اوى يعنى

ليه نظرة انا بكون شايفها صح بس ممكن تكون بعيدة شوية كفاية كده

اجمل طباعك ما هى ؟

بصراحة مش عارف بس ممكن يكون ارتباطى بالحاجات اللى بحبها -صحابى-

انسى- الشغل- الجمعية يعنى اى شخص او اى شىء بحبه

صفة تتمنى تغيرها فى نفسك ؟

اليأس فى بعض الاحيان بحس انى خلاص مش هقدر احقق حاجة او اعمل اى حاجة

بس الحمد لله ربنا بيستر بس بجد دى صفة وحشة ياريت كلكم متقعوش فيها

ماهى نقطة ضعفك ؟

الحمد لله مليش نقط ضعف الا حكاية الياس دى احيانا بس الحمد لله مش بفكر فيها دلوقتى

هل انت راضى عن نفسك ؟

انا شايف ان ده اصعب سؤال

لو كنا رجعنا شوية بالزمن كنت هقول انا مش راضى عن نفسى خالص بس دلوقتى يعنى اقول بنسبة 70 فى المية

حكمة تقريبا هى نهجك فى الحياة ؟

هى دى مش حكمة بس كلمة حبيتها اوى سمعتها فى محاضرة تنمية بشرية كانت عندنا فى الكلية

" لا احد اصغر من ان يفيد ولا اكبر من ان يستفيد "

" اذا اردت انا تغير فبدأ بنفسك "

بجد لو كلنا فكرنا فى العبارتين دول وفهمناهم هنغير كل حاجة فى مش كويسة فى مجتمعنا وفى مهنتنا وفى حياتنا كلنا

ايه قرانية دايما فى بالى ؟

" وقالوا اتخذ الرحمن ولدا لقد جئتم شىء ادا تكاد السموات يتفطرن منه ..... "لاخر السورة الكريمة

متى تدمع عيناك ؟

لما بقد شخص اثر فيه او كنت بحبه بس بالنسبة للاشياء معتقدش ان فى حاجة اثرت فيه

كلمة معتها ومعلقة فى ذهنى ؟

هى نفس العبارة اللى قولتها

رقم تحبه ؟

اكيد مش رقم تليفونى لانه رخم بس مفيش رقم معين اى رقم بس لو لازم يبقى لازم يكون يوم

6/4 لانه يوم انشاء الجمعية

اجمل خبر تلقيته ؟

اكدب لو مقلتش انه يوم انشاء الجمعية فى الزقازيق لانه ده او يوم فى حياتى احسن بقيمة التمريض

وكنت بجد فرحان لما كانت كلمتنا واحدة واحمد جمال بيقول موافقين واحنا قولنا موافقين

الوحدة بتكون حلوة ويارب تكون كلمتنا واحدة علطول

صوت لازم اسمعه كل يوم ؟

هو مش صوت هو شوية حاجات على الموبيل عندى بتفكرنى باشخاص واحداث حلوة فى حياتى

اجمل مرحلة مريت بيها ؟

الابتدائى والنصف الثانى من سنة تانية فى الكليه

هل تحب القراءة وما نوعية الكتب واخر كتاب قراته ؟

بصراحة دى موهبة مش عندى بس حاليا بقرا فى كتاب منهاج المسلم

لو لقيت المصباح السحر اعمل ايه ؟

اقوله ادخل تانى فى المصباح مش بحب اعتمد على حد كتير

وردة حمراء و وردة بيضاء لمن تهدى ؟

الوردة البيضاء لاسرتى والوردة الحمراء كل الانساوية

"عدسة منتدانا "

ما هو الشىء الذى اعجبك فى المنتدى ؟

يمكن هدف العدد الكبير من الطلاب انهم يغيروا فكرة الناس ويرتقوا بانفسهم

واصرارهم على كده دى اجمل حاجة فى المنتدى

لمن تقول

الله يخليك لينا

احمد جمال سالم

فقدناك

كل الناس فى المنتدى وكل صحابى ودكتورة حنان دى دكتورة عندنا فى الكليه

اسف اذا زعلتك

بابا لو زعل من فى يوم واى شخص تانى زعل منى بجد انا اسف جدا

تفاجئنى دايما - مافى مثلك - احييت المنتدى

احمد عبدالله اسماعليه ومها وكنزى وميدو واسلام جودة ولوزة وطبعا ام الطلبة واميرة الاحزان

اسعدتنى معرفتة بك ما اروعك ؟

احمد عبدالله ولوزة ومى عبدالحليم وايه تمريض طنطا وام الطلبة

شخص بالمنتدى نفسك تقابله ؟

كل الناس فى المنتدى واحمد عبدالله بجد نفسى اتعرف عليك اكتر يا احمد ودكتور ميدو بجد انت رائع وعايز اقابلك وطبعا الاعلامى العبقرى اسلام

عدسة التمريض كله جديد فى جديد

نسبة رضاك عن المستوى التمريضى ؟

والله دى الحاجة اللى محيرانى اتكلم مع ناس كتير ومبقتش عارف دى ثقافة مجتمع ولا فى فعلا

ناس بيسيئوا للتمريض بس بجد ال2 فعشان كده لازم نغير ال2 بس الاهم اننا نغير نفسنا الاول

لان مش كل المجتمع هيرضى عنا ومش كله هيغضب علينا فاحنا الاهم

اذا طلب منى وزير التعليم اقول مقترحات لتطوير التمريض

اقول بجد فى ناس نفسها تغير وان شاء الله هتغير والناس دى معتمدة على نفسها

بصراحة مش محتاجين لحد معانا لان دى مشكلتنا احنا بس ومش هيحلها الا احنا

نصائح اوجهها للمرضين والممرضات

اقول لهم كلمة دكتورة يا جماعة الناس دخله المستشفى علشان عناية تمرضية وليست طبية

فياريت تكون فعلا اهل للكلمة دى

ما هو الشىء اللى احب اغيره فى التمريض؟

كل شىء وحش

طموحى بالجمعية

ياااااااه كبير اوى وان شاء الله كلنا نكون عند حسن ظن بعض

هل تحب التمريض وبصراحة ؟

بصراحة انا مكنتش اعرف حاجة عن التمريض ولا عمرى فكرت انى ادخلة دى كانت رغبة والدى

بس وانا فى او سنة قولت خلاص يا احمد انت ابديت حاجة يبقى لازم تكملها وبعد ما فهمت

التمريض واتكلمت مع ناس فعلا احترمت المهنة دى وحبيتها ولما انشانا الجمعية زاد الحب

وبقيت حاسس انى مش لوحدى

من الذى شجعك على التمريض؟

والدى ربنا يديلة طولة العمر

لو مكنتش اخصائى تمريض لوددت ان اكون .......

اخصائى تمريض

لرؤساء الجنان بما انى رئيس لجنة نظم المعلومات خطتى هى التواصل المستمر مع كل اصدقائى

فى كليات التمريض وانى يكون ليه دور مهم فى الكلية والجمعية

لما اتجوز هشجع ولادى يدخلوا تمريض ؟

لما اتجوز يحلها الف حلال بس هسيبهم براحتهم او ممكن اعمل زى بابا بس ادعولى ربنا يستر

الا اتجوز ممرضة ونعمل بقى مع الاولاد فريق سرنجات بهزر بجد عمرى ما مانعت انى اتجوز من التمريض ولا ان ولادى يدخلوا تمريض

عدسة الكفاح والنجاح

انجاز حققتة فى حياتك العملية ؟

انى اكون عضو ف انسى

وانى اكتسب ثقة ناس كتيرة فى شغلى فى فترة صغيرة

ماذا اضافت ليك الجمعية ؟

حاجات فعلا كنت بدور عليها وبلاقيها هنا فى المنتدى والجمعية

انت شايف نفسك فين بعد خمس سنين ؟

انا بقول خليهم بعد 3 يبقى ليه دور كبير اوى فى المكان اللى بشتغل فيه

كلمة اوجهها لرئيس الجمعية ؟

بجد يا احمد انت رائع على افكرة دى وان شاء الله ربنا يجعلك عند حسن ظننا واحنا كلنا معاك

ونتمنى نشوفك قريب انت وكل الناس اللى منورانا فى المنتدى وكل سنة وانت طيب

وبقولكم كلكم انا اسف على الرخامة والتطويل اوى فى الكتابة وكل سنة وحضراتكم طيبين ويارب نشوفكم بخير فى اقرب فرصة وبجد انتم ليكم دور كبير ومهم اوى فى التمريض

أحمد سعد..

من طرف Ghada الإثنين 24 أغسطس 2009, 10:44

رائع يا احمد انت انسان هايل وحبيت التمريض بجد وربنا يوفقك وتحقق كل احلامك

كل سنه وانت طيب وكلكم طيبين
على فكرة فى حد ممكن يقتل اليأس معاك اسمه امل انا اعرفه جدا وانت تقدر تتعرف عليه قريب جدا كمان........
انا بجد اتمنى ازور بنى سويف وان شاء الله اكيد احمد جمال هيكون معاكم هناك قريب هو ووفد من الانساوية ان شاء الله

السلام عليكم جميعا
فين يا جماعه الردود على كلام احمد سعد
انا مش هرد ولا هعلق على كلام احمد دلوقتى يلا انا مستنى تعليقاتكم على كلام احمد
وكل سنه وانتم طيبين ورمضان يجمعنا

غاده فى الاول بقولك متاسفه انى اتاخرت فى الرد عليكى والله كنت مشغوله جدا ومش بدخل المنتدى
وكل سنه وانتى طبيه ياقمر
ويسعدنى اننا اتعرفت على سمات لشخصيه جميله زيك وان شاء الله تبقى رئيسه الجمعيه عندكم وربنا يوفقك
بس فكرة الغاء الشتيات دى انا مش معاكى فيها لانها بتساعدنا فى حاجات كتير واننا ندور ع المعلومات وهيا دى الطريقه المثلى الى المفروض نمشى عليها فى المستشفيات بس طبعا الى بنشوفه ع ارض الواقع حاجه تانيه

احمد سعد بعتذر لك على التاخير فى الرد وبقولك كل سنه وانت طيب ورمضان كريم وانا مع كلمه امل سمير فى انها معاك فى انها تقدر تقتل اليأس وربنا يوفقك ويكرمك ويحقق لنا كل الى بتمناه يارب
قولوا بقا امين احنا فى ايام مفترجه وربنا هيقبل دعاءنا باذن الله تعالى

من طرف Ghada الإثنين 24 أغسطس 2009, 20:34

ولا يهمك يا احلى زلابيا كل سنه وانتى طيبه منوره البرنامج
يارب بس الاول يبقى فى جمعيه اصلا والباقى مش مشكله
اما بالنسبه للشيتات اصل بعض الطلبه عندنا بيبقى كل همهم يخلصوا الشيت بس من غير ميتعلموا كويس يعنى ممكن يكملوه من بعض من غير ميعرفوا هما كاتبين ايه

اقول ايه بعد الكلام الجميل اللي قريته
بصراحه ياحمد انت شخصيه رائعه
وباين انك طموح
وميرسي ليك لتلبيه دعودتنا
بتمنالك التوفيق