رد: برنامج تحت الميكروسكوب

من طرف ahmed saad السبت 29 أغسطس 2009, 22:18

رائع بجد يا اسراء وان شاء الله ربنا يوفقك فى حياتك كلها وتحققى اللى انتى عيزاه

وفعلا حلقة رائعه وبجد استمتعت بيها واسف على التاخير

وشكرا جدا لمرورك يا سارة

وفين امل سمير ايه يا امل انتى نستيتى انك هتقتلى معايا الياس

يلا يا جماعه كله يرشح امل

الســــــــــــــــــــــــــــــــــــــــــــــــلام عليكم ورحمة الله وبركاتــــــــــــــــــــــــــــــــــــه

اولا كل عام وانتم بخير ورمضان كريم

بجد والله انا اسفه جدا جدا جدا على تأخيرى فى الرد على الكلام اللى بجد خلانى عاجزة عن الرد

صدقونى والله لو قلتلكم انا مكنتش حتى عارفه ارد اقول ايه كلمات الشكر عمرها ماكانت تكفى للرد

عليكم وده اللى يمكن خلانى التزمت الصمت بالاضافه طبعا لبعض الظروف اللى كنت فيها الفترة اللى فاتت بجد اسفه مرة تانيه وبشكر كل الناس اللى ردت احمد وكنزى ودلوعه وهمسه والشزراء
ودنيا ورشا وطبعا شكر خاص لاسلام على الكلام اللى عمرى ماتوقعته خايفه انسى اى حد وطبعا
امل سمير حبيبة قلبى وكل الناس والله

وبجد انا سعيدة جدا انى اتعرفت على كنزى واحمد سعد وموناليزا بجد انتوا سخصيات جميله جدا
وان شاء الله نتقابل كلنا قريب وربنا يحققلكوا كل احلامكم

واسمحولى انى اشترك معاكم لاول مرة وارشح شخصيه بجد اثرت فيا جامد وحبيتها قووووووى قووووى وبقلها نفسى بجد نصلى تانى مع بعض .......اكيد عرفتى يا
امل انا اقصد مين.

]أمـــــــــــــــــــــــــــــــــــــــــــــــــــــــــــل يلا بجد مستنياكى متتأخريش

السلام عليكم ورحمه الله وبركاته
معلش يا جماعه انا بعتذر لجميع اعضاء المنتدى والجمعية العلمية لتأجيل حلقة سكرتير الجمعية امل سمير وذلك لظروف طارئة خارجة عن ارادتها.
بس بوعدكم انها هتكون معانا قريب جدا.
يلا انا عاوز ترشيحات لحد جديد لعضو انتم نفسكم تعرفوه اكتر واكتر
يلا نبدأ الترشيحات ورمضان يجمعنا.

سبقتنى يااسلام كنت هعتذر نيابه عن امل بس انت قمت بالواجب وان شاء الله امل هتكون معانا فى اقرب فرصه ومش بعيد عنها نلاقيها بترد بكرة ولا بعده زى ما انتم عارفين اننا متعودين منها ع المفاجات السارة
وبجد اسعدنى انى تعرفت اكتر عليكى يااسراء ونفسى اشوفك كتير عشان اعرف عنك اكتر واكتر
ويسعدنى ياحمد اننا اتعرفت عليك لاول مرة ع المنتدى وبدعى لك ربنا يوفقك ويقدم لك كل ما فيه الخير

نسيت اقولكم حاجه ياريت كلنا فى الشهر الفضيل دا ندعى ل امل سمير

ربنا يصلح احوالنا جميعا

واسال الله ان يكون سبب انها متجيش خير

ادعولها يا جماعه

لعل المانع خير ان شاء الله

وربنا يكشف عنها كل كرب وان شاء الله تنورنا قريب جدا فى المنتدى

ربنا يفرج هم كل مسلم
وكالعاده انا هابتدي الترشيح
ايه رايكم في

احمد قطب بمناسبه عيد ميلاده

وانا معاكى يا مها

ونبدا يا جماعه نرشح رمز من رموز التمريض فى الفيوم وهو طبعا جامعه بنى سويف

واللى لازم اقوله فى عيد ميلاده كل سنة وانت طيب واسف انها جات متاخر

ونرشح احمد قطب

السلام عليكم ورحمه الله وبركاته
معلش يا جماعه انا اسفه اوي اتاخرت غي الرد عليكو
انا بشكر كل الناس اللي ردت عليا وقالت فيا الكلام الجميل ده واتمني اني اكون عند حسن ظنكو
وبشكرك يا اسلام عالكلام الجميل اللي قلته ده ويارب اكون قده
وانا سعيده جدا اني اتعرفت علي ناس حلوين زيكو كده
وربنا يوفقنا كلنا ونقدر نعمل حاجه

شكرا ليكى يا موناليزا
وبرشح معاكم أحمد قطب وبقوله كل سنه وانت طيب يا احمد

وانا معاكم برشح احمد

ويللا يا احمد بنستناك كلنا تنورنا

وانا معاكم
فينك يا قطب
عايزينك تشرفنا

برنامج تحت الميكروسكوب - صفحة 10 GOO76911

شغاااااااااااااال يا اسلام اكتر واكتر

يا برنس

ومعلشى على التاخير الكتير ده بس بجد ربنا يعلم الظروف؟

ويلا فينك يا ابو قطب يا برنس

[size=24]والله انا كلمت احمد قطب بس لاقيته مشغول شويه وهو وعدنى انه فى اقرب فرصه هيدخل البرنامج ويفضفض معانا ويحكلنا عن نفسه اكتر [/size]

[size=24]احمد قطب اتاخر كتير اوى وانا دلوقتى محتار جدا خايف الغى الحلقة بتاعته وبعدين هو يزعل ومش عاوز اطول زياده عن كده لانه اتاخر اوى
يا ريت تقولولى اعمل ايه نلغى ولا نستنا احمد[/size]

لا لا لا لا انا جيييييت استنوااااااا انا وصلت والحمد لله برنامج تحت الميكروسكوب - صفحة 10 Icon_cheers

اولا:السلام عليكم ورحمة الله وبركاته

سلام مبارك مبروك متبارك من عند الله كرمكم الله به وعافاكم
ثانيا: بصوا بقى انا عارف ان انتوا لو شوفتوني هتموتوني عشان كل التاخير ده
اقسم بالله التاخير ده ما كان بايدي وانا كنت بمر بظروف ما يعلم بيها الا ربنا
عموما انا بتاسف وبعتذر ليكم كلكم ول اسلام كمان لانه كلمني وقالي وصدقني يا اسلام لو كنت حتى لغيت حلقتي ما كنتش هزعل لان انا عارف اني دايقتكم واتاخرت اكتر من اللازم عموما
تقبلوا اسفي على التاخير وكفاية كدة بقى خلينا نتكلم في المهم ايه ده انتوا رغايين اوي كدة ليه!!

بسم الله الرحمن الرحيم

***عدسة التعارف***

-1- تكلم عن نفسك باختصار
بص بقى يا سيدي انا اسمي"" احمد قطب شحاتة "" من ابناء محافظة الفيوم حبيبة قلبي (19سنة)
وطبعا كلية تمريض الفرقة التانية ويزيدني شرفا انني من جامعة بني سويف
وحاجة كمان......
انا البطل التالت على مستوى الجمهورية في لعبة التايكوندو street fighting قتال الشوارع تحت وزن 76 كيلو
ولله الحمد والشكر على ما اتاني

-2- صف نفسك بعشر كلمات
حااااااضر اسمع يا سيدي (( قمحي او خمري اللون - معتدل الطول - عصبي جدا جدا جدااااا - اجتماعي - بيقولوا عليا احيانا دمي خفيف - مش خجول ومش وقح - جرئ - صريح شوية - بحب الاكل جدا مع اني مش تخين ورشيق كمان - وبخاف من الفيران جدا ))

-3- اجمل طباعك - ماهي برايك ؟
جرأتي وخفة دمي احيانا

-4- صفة تتمنى تغييرها في نفسك ؟
بصراحة موضوع العصبية او العصابية عندي بيسببلي احيانا مشاكل

-5- ماهي نقطة ضعفك ؟
ههههههههه
هي (بخاف من الفيران)
ويمكن....... ما بحبش اكسف حد

-6- هل انت راض عن نفسك ؟
لو قلت ايوة ابقى كذاب لان لو حد رضي عن نفسه في لحظة في نفس اللحظة هيتمنى الموت
لان مفيش احسن من كدة وقت يتمناه فيه واعتقد مفيش حد كدة صح ولا ....

-7- حكمة تقريبا هي نهجك في الحياة..
هي حاجة كدة والله خاصة بيا
دايما قبل ما انام بشوف شريط الاحداث بتاعي على مدار اليوم
ولازم قبل ما يغمضلي جفن اكون مصفي قلبي من ناحية اي حد ضايقني مهما كان
يمكن اكون ببالغ بس والله ده اللي بعتبره حاجة اساسية في حياتي عشان اقدر استمر

-8- اية قرانية دايما حاططها في بالك
بسم الله الرحمن الرحيم ( ان الله لايضيع اجر من احسن عملا ) صدق الله العظيم

-9- متى تدمع عيناك
لثلاثة اشياء
اذا خشعت لله في الصلاة
واذا ظلمت من اقرب الناس لي
ولو شوفت طفل او شيخ بيبكي

-10- رقم تحبه
هو انا عموما مش بتفرق معايا الحتة دي اوي
بس لو هختار يبقى رقم 9

-11- اجمل خبر تلقيته
هو والله العظيم اجمل خبر واتعس خبر في نفس الوقت
كان لسة اليومين اللي فاتو جالي طلب ترشيحي في المنتخب
ومش عارف اعمل ايه لاني لازم اتفرغ وتقريبا اسيب الدراسة
وربنا يعيني ويهديني لاني هتجنن

-12- شخص لازم تسمع صوته كل يوم
اختي ربنا يحفظهالي

-13- اجمل مرحلة دراسية مريت بيها
الاعدادية كانت لذيذة واتعرفت على اعز الاصحاب .. اصحاب من ياقوت

-14- هل تحب القراءة- نوع الكتب التي تحبها-اخر كتاب قراته
يعني بس انا بحب المعلومات العامة جدا
واخر كتاب قريته كان اسمه"" اعظم ما راى العقل""
وكان بيحكي عن سلاسل المخابرات العامة والحربية في العالم

-15-لولقيت المصباح السحري وقالك شبيك لبيك اطلب واتمنى ..تطلب ايه
لو دا حصل اقوله انقلني لكوكب تاني اعيش فيه اجمل وامتع الايام
_ في هدوووووووووووء_
مش معنى كدة اني مش راضي حاشة لله لكن دي امنية

-16- وردا حمرا وبيضا ...لمن تهدي كل منهم
اهدي الحمرا لصاحبة النصيب واللي امها تبقى داعية عليها
والبيضا لاتنين لامي واختي وعلى فكرة انا اختي صغيرة مش كبيرة بس انا ماقدرش تغيب عني دقيقة واحدة...

***عدسة منتدانا هواكم هوانا ***

-1- ما هو الشئ الذي اعجبك بالمنتدى
عايزين الحقيقة بجد انا دخلت واشتركت في منتديات كتير وقليل لكن والله انا عمري ماشفت اتحاد بالشكل ده وقوة وعزيمة وووو....... مش هقدر اعد الصفات الجميلة اللي في المنتدى ده
لدرجة يا جماعة والله ان انا شوفت ناس صحابي صيادلة ودكاترة والله العظيم ادام عنيا داخلين على الموقع منهم اللي بيستفيد ومنهم اللي بيقرا ويتصفح وسالتهم قالولي بالرغم من تواضع المنتدى
الا انه من اجمل واقوى المنتديات اللي هما شافوها
حقيقي ربنا يجمعنا دايما وما يفرقناش ابدا .. اللهم امين

-2- لمن من الاعضاء سوف تقول هذه الكلمات
-بصراحة فقدناك-انت فنان
بصوا انا بصراحة حكاية فقدناك دي انا معرفش حد بصراحة افتقدته هنا مش عايز افتي
اما بقى انت فنان دي والله بقولها لكل المنتدى احنا كوكتيل اعضاء على رؤساء على مشرفين
زي العسل

-3- اتابع كل مواضيعك اسف اذا زعلتك يوم
بقولها للمنتدى كله طبعا بس بالاخص اتنين
miss checky ودلوعة

-4- تفاجئني دائما - ما في مثلك احييت المنتدى اسعدتني معرفتي بك - ما اروعك
اقولها لاختي الجميلة العضوة زميلتي في الكلية
( سارة )

-5- شخص في المنتدى نفسك تقابله
dr medo

***عدسة التمريض كله جديد في جديد***

-1- نسبة رضاك عن المستوى التمريضي في مصر
صدقني لو اعرف الاجابة ما كنتش دخلتها

-2-اذا طلب منك وزير التعليم العالي ان تدلي بارائك ومقترحاتك للتطوير من المستوى العلمي التمريضي في مصر .... فماذا تقترح ؟؟؟
بصوا من الاخر كل اللي انا عايزه يتفضل سيادته ويشيل كل طاقم التمريض اللي موجود في كل المستشفيات بلا استثناء لانهم هما دول اللي مبهدلين سمعة التمريض على الاخر
ولو حضرته هيقولي هيكون في عجز كدة اقوله ابدا بتدريب الطلبة من دلوقتي واظن ان احنا مش هنمانع بس طبعا مش هنشتغل بلوشي واظن ان اي حد فينا دلوقتي احسن وكفاءة مليون مرة من اللي في المستشفيات دول صح ولا لا
او على الاقل يخلي في المستشفيات بس اصحاب الكليات دا حتى انا ما بثقش في المعاهد

الحمد لله كدة انا خلصت وتقريبا انتوا كدة عرفتوا شخصية اخوكم احمد
انا في النهاية عندي شكر واعتذار وتهنئة
نخلي الاعتذار الاول
باعتذر واتاسف لكل الاعضاء المشاركين في هذا البرنامج الراااااااااائع
على التاخير الغير مسموح بيه اللي حصل مني بس اعذروني لو عرفتوا السبب والله لتعذروني
اما الشكر دا بقى
انا بشكر انسا كلها وعلى مجهودها الرائع ده وبشكر كل اللي شاركوا في الموضوع الجميل والمتميز ده وبشكر الدكتور اسلام المذيع بتاعنا وصاحب البرنامج
بشكركم من كل قلبي
اما التهنئة
فبهديها لكل من
الدكتور اسلام صاحب ""برنامج تحت الميكروسكوب""
وبهنيه لحصول موضوعه الجميل ده على افضل المواضيع وحقا انا اشهدلك ربنا يزيدك ويكرمك
يا اسلام
وايضا بهدي التهنئة التانية للمشرفة الرائعة (دلوعة وكلمتها مسموعة) لحصولها على افضل مشرفة وحقا تستحقي وجزاكي الله كل خير
اما الاهداء التالت فبهديه طبعا لاختنا (kenzy) لحصولها على افضل وانشط عضوة معانا في انسا
جزاكم الله جميعا كل خير وجمعنا في رحاب الجنة ان شاء الله

ويارب كنت ضيف خفيف عليكم

والسلااااام عليكم ورحمة الله وبركاته

------------------------------------------------------

حلقة جميلة وبجد انسان جميل وطيب

نسال الله ان يجعلك من اهل الجنه وان يحشرنا واياكم فى زمرة النبى المصطفى

وان شاء الله نتقابل قريب

والله انت اللي طيب اوي يادكتور ميدو ربنا يخليك
وربنا يهدينا جميعا ويجمعنا في الدنيا والاخرة مع الحبيب المصطفى ان شاء الله

بجد من اجمل الحلقات الرائغه من انسان رائع
وميرسي كتير يا احمد
برنامج تحت الميكروسكوب - صفحة 10 GOO76911

رااااااااائع يا احمد

ربنا ينورلك طريقك يارب وبنولك احلامك
وانا مازعلتش منك ابدأ
انت فعلا شخصية جميلة جدا...
بجد موضوع اقصد برنامج جميل جدا برنامج تحت الميكروسكوب - صفحة 10 Icon_smile

فرصة كبيره لينا كلنا
يعني كلنا بنتعلم من بعض
شكرا ليك يا اسلام

من طرف Ghada الخميس 10 سبتمبر 2009, 10:18

بجد يا احمد حلقه رائعه وربنا يوفقك يا رب

الف شكر ليكوا يا جماعة على مشاراكتكم الجميلة دي
واللي والله اسعدتني جدا
ربنا يخلينا لبعض ويجمعنا في الخير دايما ان شاء الله

هاااااااااااااااااااايل جدا يا بطل
بجد حلقه رائعه جدا وانسان رائع جدا
وربنا يوفقك يا احمد
وبجد استمتعنا بالحلقه بتاعتك