رد: برنامج تحت الميكروسكوب

ازيكم عاملين ايه
على فكرة احمد جمال رئيس الجمعيه معانا قريب جدا ان شاء الله غدا
وبعده ان شاء الله امل سمير سكرتير الجمعية
ويا ريت كل واحد عنده سؤال لهم يشارك معانا باقصى سرعه
انا عاوز اسئله جامده اوى
والمره دى احنا محتاجين عدسه كبيره اوى عشان هستضيف شخصيتين مهمين ومن العيار الثقيل
يلا كلكم جهزو الاسئله قبل اما احمد يدخل البرنامج

اخيرا هيكون معانا رئيس الجمعيه وشكرا على البرنامج الجميل ده يا اسلام ويا ريت تقبلنى معاكم ومستنين احمد جمال وبجد هينور المنتدى

لمياء

ربنا يخليكى
انا عمال اتصل على احمد ولكن التليفون بتاعه غير متاح ويا رب يرد عليا

وانا كمان بكلمه غير متاح مش عارفه فى ايه؟؟

بس الحمد لله هو فى المنتدى النهارده باذن الله

ويللا نجهز اسئله من العيار الثقيييييييييل

دا رئيس الجمعيه يا رجاله

يعنى حسن حمدى كده

هههههههههههه

يلا يامان المنتدى كله هينور بجد

مستنينك بفارغ الصبر
انت وأموله طبعا
ربنا يكرمكوا ويوفقكوا يارب

برنامج تحت الميكروسكوب - صفحة 6 Get-7-2009-Giantup_CoM_0bmfo88j

برنامج تحت الميكروسكوب - صفحة 6 Get-7-2009-Giantup_CoM_0bmfo88j

بجد برنامج فوق الرائع يا اسلام

تسلم بجد على الافكار الجامده دى

البرنامج بجد هيقربنا بجد اكتر واكتر من بعض

وهو ده المطلوب علشان نبقى ايد واحده

ونبنى مستقبل جديد لتمريض بجد

ومعلشى انى ما كنتش معاكم من فترة بس بجد كان فيه ظروف

بس الحمد لله انا معاكم

و القادم احسن

ان شاء الله

السادة اعضاء الجمعية المصرية العلمية لطلاب التمريض يشرفنى وجودى معاكم انهاردة فى برنامج " تحت الميكروسكوب " وبشكر كل زملائى اللى رشحونى انى اكون ضيف فى البرنامج انهاردة وشكر خاص منى لزميلى اسلام جودة على فكرته الرائعة دى وربنا يوفقك بجد فى مشوارك الاعلامى بجانب مجال التمريض .

طبقا لقواعد البرنامج
بعيييدا عن الرسمياات ..
.
وبعييدا عن القيـوود ..
.
وبعيييدا عن حياتنا العملية ..
.
هنــا سنقترب من بعضنـا أكثر فــ أكثر ..
هنــا سـ نتواصل فيمـا بيننـا

اسمحولى انى اجاوب على الاسئلة باللهجة العامية وبعتذر مقدما على الاطالة وعن بعض الاجابات غير الرسمية ......
**كل الاجابات تعبر عن راييى الشخصى وليس عن راى رئيس الجمعية نهائى

عدسة التعارف(عبر عن نفسك) :

- تكلم عن نفسك باختصار؟
اسمى : احمد جمال الدين محمد محمد سلام
تاريخ ميلادى : 8 مارس 2009
طالب بالفرقة الرابعة كلية التمريض جامعة الزقازيق 2009/2010
عنوانى : محافظة الشرقية – مدينة ابوكبير
اسرتى : بابا وماما واخ واختين
محمد ثانوية عامة
هايدى 5 ابتدائى
نور 3 ابتدائى

- صف نفسك بعشر كلمات؟
انسان
...
** " باقى التسع الصفات متروكة ليكوا انتوا ياريت تقولوها من وجه نظركوا"
- أجمل طباعك..ما هى برأيك؟
** متروكة ليكوا انتوا ياريت تقولوها من وجه نظركوا
- صفة تتمنى تغيرها فيك؟
** متروكة ليكوا انتوا ياريت تقولوها من وجه نظركوا
- ما هى نقطة ضعفك؟
اذا عرف الانسان نقطة ضعفه له تحولت لنقطة قوة
- هل انت راضى عن نفسك؟
لابد وان يرضى ويفرح الانسان بما رزقه الله والنفس هبة من الله ورزق ولكن معاتبة النفس محاسبتها من وقت لاخر واجبة
- حكمة تقريبا هى نهجك بالحياه؟
لا يستطيع ظلام العالم كله ان يحجب ضوء شمعة صغيرة
- اّيه قرأنيه دايما حاطتها فى بالك؟
بسم الله الرحمن الرحيم (هل يستوى الذين يعلمون والذين لايعلمون)صدق الله العظيم
- متى تدمع عينك؟
*لما بيدخل فيها تراب
متعود ابكى من جوايا
- كلمة سمعتها من شخص ما وبعدها معلقة فى ذهنك؟
كلمه قالتهالى د/ نجوى الشافعى عميد كلية التمريض جامعة الزقازيق
"الناس فى الدول المتقدمه لقيوا بلادهم متقدمة على الجاهز اما احنا لازم نتعب شوية عشان نبقى احسن مش الحل اننا نهرب على هناك "
- رقم تحبه؟
0123099101* بس للاسف مش عارف اوصله كل ماتصل بيه القية مشغول
- أجمل خبر تلقيته...ما هو؟
*بصراحة فى اخبار كتيير فى اتجاهات كتير فى حياة الانسان كويسة لكن عامه اكيد مش حيكون خبر انى قبلت فى كلية تمريض
- شخص لازم تسمع صوته كل يوم؟
صوت احمد جمال وهو بيكلمنى
- اجمل مرحله دراسية مريت بيها؟
الابتدائيى طبعا
- هل تحب القراءة؟ وما نوعية الكتب التى تحبها؟ وما اخر كتاب قراته؟
بحب القراية عامة فى معظم المجالات وبحب اقرا فى التاريخ والسياسة واخر كتاب قريته " الدستور المصرى " ومن المجلات " مجلة ميكى وسمير "
لو لقيت المصباح السحرى وقال لك... شبيك لبيك..اطلب واتمنى.......ماذا ستطلب؟
*حطلب منه انه يلف و يرجع تانى جوة المصباح وبسرعة
- ورده حمرا وبيضاء ....... لمن تهدى كل واحده منهم؟؟

* ارجعهم للجناينى واخد تمنهم

عسة منتدانا(هواكم هوانا( :

- شخص بالمنتدى نفسك تقابله؟
*احمد جمال سلام بصراحة مشفتوش بقالى كتيييير جدا
بصراحة كل الناس على شرط كل حد داخل باسم مستعار لانى بكتشفهم صدفة

عدسة التمريض(كله جديد فى جديد(:

- نسبة رضاك عن المستوى التمريضيى بمصر؟
لا تعليق
- اذا طلب منك وزير التعليم العالى ان تدلى بارائك ومقترحات للتطوير من المستوى
العلمى للتمريض- فماذا ستقترح؟
*نقفل كلية التمريض وننقل الطلبة لمصنع توشيبا العربى على الاقل يبقى فى ايدينا صنعة ناكل منها عيش
* دة رأى الشخصى ....... واللى مش عاجبه مصنع توشيبا العربى ممكن اى مصنع تانى براحته يعنى

- ما هو الشئ الذى تريد أن تغيره فى التمريض؟
وجه نظر الناس للتمريض
- ما هو طموحك بالجمعية العلمية للتمريض؟
طموحى بالنسبة للجمعية المصرية انها تحقق الاهداف اللى تاسست عشانها سواء اهداف
قصيرة المدى :تمثل طلاب التمريض فى جمهورية مصر العربية بجميع فئات التمريض وترتقى بيه
او بعيدة المدى : انها تكون نواه لبناء نقابة تمريض قوية وكمان تخرج كوادر قيادية للتمريض فى مصر يقدروا يشاركوا فى المجتمع بفاعلية
- هل تحب التمريض وبصراحة؟
*بلاش احراج
......
طبعا احب التمريض يكون احسن

- من الذى شجعك على دراسة التمريض؟
بصراحة بابا كان السبب الرئيسى فى دخولى كلية التمريض
الله يسامحه
- لو ما كنت ممرض /ممرضة ماذا كنت تود أن تصبح؟
اولا انا مش ممرض ولا ممرضة احنا اخصائيين تمريض دة حقنا لان الدولة هى اللى قالت كدة الناس متعرفش كلمة اخصائى تمريض مش زنبنا الواجب اننا نعرفهم ..... بس عامة كنت زى *ناس كتيير عايز كلية حقوق عشان اطلع مهندس بس للاسف مجموعى مجبش وكان بينى وبينها 1% الحمد لله .

(لرؤساء اللجان) بما انك رئيس لجنة(........)ما هى خطتك القادمة؟
لائى رئيس لجنة فى اى جامعة احنا كلنا زمله مع بعض وان اى حد فى منصب ماهو الا منسق ومحفز لباقى الزمله فقط .

- لما تتجوز هتشجع ولادك على دخول مجال التمريض؟
لأ طبعا ...... حشجعهم
لان التمريض فى مصر لازم يتطور على ايدينا بجد
وعامة عقبال لما يجوا بالسلامة مين عارف حيبقى لسة فى تعليم ولا حيكون خلص ولا مصنع توشيبا يكون اتباع ...؟

*عدسة النجاح والكفاح:

- انجاز حققته فى حياتك العملية؟
من اهم الانجازات بجد انى اساهم فى تاسيس اول هيئة طلابية رسمية تمثل التمريض فى مصر

- ماذا أضافت الجمعية لك؟
*بقيت بشترى الزيت والسكر بسعر اقل من برة
- انت شايف نفسك فين بعد بعد خمس سنين؟
*فى المراية طبعا
كل يوم بلاقى جديد والتخطيط مهم جدا ولكن بحدود .. عامة بالنسبة ليا انا مخطط لنفسى لمدة سنة بعد البكالريوس اما طبعا ليا افكار سواء بعد 5سنين وكمان 8 سنين

- واخيرا كلمة توجهها لرئيس الجمعية العلمية؟
*حسبى الله ونعم الوكيل

بجد بشكركم كلكم واتمنى اشوفكم على خير فى اقرب فرصة ان شاء الله ..... على فكرة انا اتكلمت براحتى جدا وبهزار جدا جدا ياريت ماكونش دايقتوكوا واجاباتى دى راى شخصى وليس راى رئيس الجمعية .
ولكم منى جزيل الشكر ووافر الاحترام

احمد جمال سلام

** ارجو الاجابة على الاسئلة المتروكة لكم

السلام عليكم ورحمة الله وبركاته
يا اهلا وسهلا بكل الناس اللى منور المنتدى
اتمنى ان اكون لبيت دعوتكم باستضافة احمد جمال الدين رئيس الجمعية
انفراد وحصرى يا جماعه احمد جمال معانا النهارده فى البرنامج
والله انا مش مصدق نفسى.........
اهلا بيك معانا فى البرنامج يا احمد وبجد شرفتنا ونورتنا النهارده وانا استمتعت معاك النهارده فى حلقة من اجمل واروع واقوى حلقات البرنامج التى تميزت بالمرونه والفكاهه والصراحه والكلام الموزون.............
انتا بجد يا احمد بتتميز بخفة الدم والطيبة وجواك انسان قلبه ابيض ودماغه عالية اوى ونفسه يعمل حاجه مفيده لبلده واصحابه ولمهنته وكلنا بنفتخر ان انتا واحد مننا واحنا كلنا معاك بقلبنا وعقلنا وايدينا.............

وفى النهايه باشكرك على الحوار الجميل معاك ده وبهديلك ميكروسكوب الاحلام اللى بنتطلع بيه لاحلامنا وامانينا ويا رب تحسن استخدامه...
ويا رب تكونو استمتعوا معانا النهارده .
اراكم فى حلقة جديدة.....................تصبحو على خير
مع تحياتى
اسلام احمد جودة

والسلام عليكم ورحمة الله وبركاته

لا لا بتهزروا اخيرا الرئيس جالنا
بس بجد حلقه من اجمل الحلقات
وبجد منور ومتميز بالوضوح والصراحه وخفه الدم
شكرا جزيلا ليك وربنا يوفقك وتنورنا دايما
وبشكر كمان اسلام اللي لبى دعوتنا وساعدنا للتعرف على هذه الشخصيه الرائعه
تقبلوا مرورى[size=29][/size]

لالالالالالالا مش مصدقه بجد

احمد جمال بذات نفسه تكرم علينا

يانهار ابيض؟؟؟

لالالا قول كلام غير ده؟؟؟

بجد نورتنا يا احمد

وحقيقى اسلام مشكوووووووور على برنامجه الروعه

اللى قدر يعرفنا بحسن حمدى

قصدى باحمد جمال

وبجد وجودك كان رائع يا احمد

وعلى فكره الرقم اللى بتحبه ده

يابختك انك بتلاقيه مشغول

احنا بنلاقيه غير متاح على طول

ابنى شبكه فوق بيتكم يا استاذ

ههههههه

بجد مش مصدقين انك لبيت دعوتنا بسرعه كدا يا احمد وكانت حلقة جميله جدا وربنا يوفقك دايما وتحقق كل احلامك وشكرا ليك يا اسلام على البرنامج الحميل ده

جهاد

ما اروعها من اجابات

وأكملها بهذه الكلمات

انسان فنان -عظيم عبقري -طموح حاسس بالمسؤلية -منجز متمكن-غاااااااااااااااااامض

اجمل طباعك:روح الدعابة

نقطة ضعفك:انتماؤك سواء لكليتك اولبلدك

صفة تتمني تغييرها :والله مش هاعرف اجاوب على السؤال ده علشان ترضى تحجزلي معاك في مصنع توشيبا مش انت هتكون رئيس المصنع برده؟

[b]شكرا يا أحمد لتشريفك لينا في منتدانا الغالي
ويارب يحققلك كل الي تتمناه
وبجد كلامك كان جميل ورائع
واحنا فخورين بيك
*تحياتــــــــــي*
دلوعة وكلمتها مسموعة[/b]

ميرسى جدا لوجودك معانا يا أحمد ولتلبيه دعوتنا بالسرعه دى

بجد كانت حلقه فريده جدا من نوعها وجمييييييييييييييييييييله جدا
نورت منتدانا المتواضع يا أحمد بااجاباتك المتواضعه وروحك المرحه وخفه دمك
ربنا يكرمك ويوفقك دائما ويارب تحقق كل اللى بتتمناه ونرقى ونعلوا بمستوى التمريض فى مصر ان شاء الله

ميرسى ليك يااسلام بجد أنا عاجزه عن الشكر والتقدير لمجهوداتك العظيمه ولبرنامجك التحفه ده وربنا يوفقك وتنمى موهبتك وأشوفك أكبر وأحسن مذيع فى أروع وأجمل برامج
آسفه جدا ع الاطاله تقبلوا مرورى

برنامج تحت الميكروسكوب - صفحة 6 Get-7-2009-Giantup_CoM_0bmfo88j

بسم الله الرحمن الرحيم

انا سعيد جدا بوجود احمد جمال حبيبى وصديقى معانا هنا

بس بحب اهديه هديه متواضعه هى كرتووووووووووووووووونة شيبسى اكيد هو عارف نوعها

هههههههههههههه

وعلى فكرة يا جماعه احمد عاوز يبقى احمد جمال الفقى فى يوم من الايام

مره سالناه فى لعبة الصراحه

انت بتحب؟؟؟؟؟؟؟؟؟

تخيلو طلع بيحب مين؟؟؟

عموما الجواب بعد اما نشوف الناس فكرت فى ايه

شكرا لتواجدك معاانا يا احمد

عموما يا د/ميدو انا عارفة الجواب لاني كنت معاكو في اللعبة دي بس مش هقول عشان نحير

الجمهور شوية

انتم عارفين احمد بيحب مين ..................
.........................................

..................................مـــــــصـــــــــــــــر

كلنا بنحب مصر

بس ممكن يكون رده

امممممممممممممممممممممم

الجمعيه؟؟؟؟؟؟؟

مش بتاعه السكر والفراخ

لا الجمعيه العلميه حضرتك؟؟؟؟؟؟

من طرف zalabiaa السبت 08 أغسطس 2009, 14:09

والله من امتع الحلقات فى البرنامج ياحمد
وميرسى ليك على تلبيتك الدعوه
وشكرا لمجهودك يااسلام

حلقة صراحة عجبتنى جدااااا
انا متابعه تقريبا كل الحلقات
من اروع الحلقات اللى شوفتها بجد

[size=24]
السلام عليكم
والله انا مش عارفه اقول ايه بجد اكتر من رائع

انا لسه عارفه البرنامج ده تقريبا يوم الجميس

بس عمرى ما توقعت انه بالروعه دى

بجد بجد مشكوووووووووووووووووووور اسلام
[/size]

انا بصراحه مش عارفه اقول ايه بعد كل الثناء دا ع حلقه احمد جمال

يالا ياااجماعه نرشح حد جديد

انا برشح حبيبة قلبي ماما هناء (ام الطلبة)

متشكر ليكم كلكم والله مش عارف اقول ايه انا مش لاقى كلام اقوله

وبرشح معاكم هناء (ام الطلبة)