ازاى ننقذ التمريض

ازاى نقدر ننقذ التمريض
عارفين امتى لما تقول باعلى صوتك انا ممرض ساعتها العالم كله هيناديك بتقدير.فى ناس هتقولى لا ده هيقولولى انت انسان ضرير
عارفين امت نقدر ننقذه لما نقدر نتحدى نفسنا ونطلع الخوف اللى جوانا لما نفرض عالمجتمع انه يحترمنا ويقدرنا من دون اى اهانه
عارفين امت نقدر ننقذه لما نقف مع نفسنا وقفه صادقه ونقرر اذا كنا عايزينه ولا لا
اذا كنا هنختاره ولا هنختار غيره
واذا اخترناه لازم نثق فيه
التمريض خساره فى اى واحد يتكسف منه
واللى يقوللى المجتمع كله ضدى انا هغير ايه ولا ايه لازم تعرفوا ان دى مش غلطه المجتمع دى غلطه الناس اللى قبلنا لما الواحده ترخص نفسها وتفضل تدحك مره مع المرافق ومره مع الدكتور يبقى الف سلامه عالتمريض ولا لما الممرض يفضل يعاكس فى دى شويه ودى شويه لما نكسر الحواجز بيننا وبين بعض اكتر من اللازم لازم يتقال علينا اكتر من كده كمان
يا جماعه اسهل حاجه ممكن تتغير هو المجتمع
يا حماعه هو المجتمع مين مش انا وانت واهلى واهلك وعيلتى وعيلتك واصحابى واصحابك لما كل واحد فينا ياثر فى اللى حواليه صدقونى والله هنغير حاجات كتير
بس اهم حاجه ان انت قبل ما تقرر وقبل ما تختار لازم تكون مقتنع عشان تقنع اللى حواليكلان فاقد الشىء لايعطيه بس بقى متكونش مش قابل التمريض اصلا وقاعد بتتكلم فيه انت كده هتكون عاله عليه
احنا ليه دايما حاسين بالنقص دايما حاسين ان غيرنا احسن اللى هيفرقنى عن غيرى هو شغلى اخلى بالى من شغلى هنجح ماليش دعوه بقلى غيرى بيشتغل صح ولا لا المهم انا انا انا
واتمنى انى مكونش طولت عليكو بس الحاجات دى كانت فى دماغى وقلت لازم تشاركونى فيها ويا ريت اى واحد عايز فعلا ينقذ التمريض ياريت ميقولش مشكله بس الا لو حلها موجود وبعدين مفيش مشكله من غير حل....
وفى النهايه احب اقولكو
فكروا ...قرروا ..اختارو...اتحدو نفسكو.....هتوصلو