اسأل ممرض ولا تسألش دكتور......!!!

هي فكره فعلا كويسة
مهنا نتعلم من تجاربنا
ومنها نساعد بعض
بس مش انا اللي هبدأ
اصل الحمد لله مافيش مشاكل الوقتي
بس باذن الله اقدر اشارك في الحلول
ميرسي تاني
فكره رائعة

شكرا يا جماعه على ردودكم الجميله وتأييدكم للفكره


واتمنى ان شاء الله ما يكونش فى احراج عند حد وهو بيقول مشكلته اعتبرها حلقة مناقشه عن مشكله ما مش لازم تكون المشكله خاصه بيك

عالعموم اوك هبدا انا بعرض المشكله بس هى مشكله مقترحه مهياش عندى واتمنى ردود مقنعه ومفيده لها كتجربه عمليه لكل اللى خايف يقول مشكلته

ايه رايكم فى مشكلة بعض الطلبه اللى دخلوا كليتنا غصب عنهم او وهما مش مقتنعين بيها ووصلوا لسنه تانيه او تالته وبرده لسه مش مقتنع بالكليع بمعنى اصح متعقد منها

مين عنده حل .....؟؟؟؟

بجد فكرة جميلة .
فعلا ممكن تريح ناس كتير عندها مشاكل بس انا عن نفسى سورى مشاكلى بينى وبين صاحب واحد بس مقدرش اخرجها عن الاطار ده وان ان قلتها لحد تانى بتبقى عامه ومبهمه يعنى بيسمع وخلاص .
وفعلا محدش مبسوط بمكانه وانا كنت كده فى البداية بس لما دخلت كليتى بصراحه بتمنى انى اطول فيها مش اسقط طبعا بس يعنى كلية حلوة . وهى ملهاش دعوة بالطب ولا بالكلام ده كله خالص هى الى حدا ما نظريه مش عملية .
واسف انى طولت عليكم.

ماشي يا عم عادل
(((((عامه ومبهمة))))
بس كان نفسنا نعرف انت بقه كليه ايه!!!!!!!

السلام عليكم ورحمه الله
اولا بالنسبه للطلبه اللي داخلين تمريض ومش مقتنعين بيه
لو سالناهم مثلا مادام انتو مش حابينه ولا مقتنعين بيه ليه دخلتوه من الاول
حد هيقوللي دخلناه غصب عننا ازاي بقي غصب عنكو دي ما انتو شباب زي الورد اهه مش قادرين تقولوا لا.......طبعا مستحيل
حد تاني هيقول انا مش داخل الكليه دي الا عشان الشغل بس....طب ده اكبر عيب في حقكو ياللي بتقولو كده ازاي مستنيين من الكليه انها تديكو وظيفه في المكان اللي انتو عاوزينه وبمرتب صعب خريج اي كليه تانيه يلاقيه وفاتحه قدامكو فرص متحلموش بيها وبعد كل ده مستخسرين حتي تقتمعوا بيها مش حتي تقولولها شكرا
ثانيا بالنسبه بقي للناس اللي وصلت لتانيه وتالته ولسه مش مقتنعين زي مل بيقولوا يعني طب ازاي يعني؟
مادام كده ما كنتو لحقتو نفسكو من الاول وحولتو كليه تانيه
انما بقي متعملوش الكليه الشماعه اللي تعلقوا عليها اخطائكو لان انتو بجد لو مكنتوش عايزين تكملوا فيها بجد مكنتوش هتكملو
وبعدين ليس كل ما يتمناه المرء يدركه وكل الناس مش انتو بس بيكون لها احلام كتير ومبتتحققش والشاطر هو اللي يثبت نفسه في المكان اللي هو فيه
وربنا سبحانه وتعالي بيقول(ان الله لا يغير ما بقوم حتي يغيروا ما بانفسهم)
وبعدين من الاخر التمريض خساره في اي حد مش مقتنع بيه او مش عايزه
اعذروني يا جماعه انا طولت عليكو وكلامي ممكن يكون قاسي شويه
بس هي دي الحقيقه وهو ده رايي