يوميات طالب بكلية تمريض

جزاكى الله كل خير يا ايمان
اية الشغل الجامد دة ياحبيبتى
صراحة انا اول ما دخلت الكلية كنت بكرها اوى
وكل ما حد يقولى دخلتى اية
احط وشى فى الارض ومنطقش
وقرايبى كرهونى فيها ويقوليلى اية ممرضة دى
بس الحمد لله انا اقتنعت هى مهنة اولا واخيرا انسانية من الدرجة الاولى
بس صراحة بنشوف تحكم من بعض الدكترة يخنق الله المستعان

ثانكس على الموضوع الجامد وعلى فكره انا مكنتش مقتنعه بالكليه خالص

هقلكم على موقف ادمع عيني
تخيلوا لما واحد مريض قد جدك ينحني على يدك ليقبلها لمجرد انك قمتي بواجبك صح
هنعوز ايه من الدنيا تاني غير دعاوي الناس لينا؟
Im proud to be a nurse

السلام عليكم

ميرسي ليكى وعلي ردك وبجد كلنا مش انت لوحدك


we are proud to be nurse

كل منا يمر بهذة الايام الان ونحن في بدا الدراسة



هذا تانى يوم لطالبة تمريض بالفرقة الاولى



اليوم......... تانى يوم بالكلية وطبعا نور لسة تانى يوم كلية ومش حابة الكلية زى ما عرضنا المرة اللى فاتت







ذهبت نور الى الكلية ومعها الزى الموحد لطالبات كليةالتمريض

نور لمريم:" السلام عليكم , صباح الخير يامريم"

مريم :" وعليكم السلام , صباح النور"

نور :" المحاضرة فاضل عليها قد اية؟"

مريم :" لسة ربع ساعة , والمحاضرة الاولى عن اساسيات التمريض"

نور :" طيب هروح افطر واجى تيجى معايا ؟"

مريم :" شكراااااا بالهنا والشفا سبقتك بس متتاخريش"

نور :" اوك"



ذهبت نور للكافيتريا وهناك وجدت اميرة صديقتها بتفطر

نور :" اميرة , ازيك دخلتى اية؟"

اميرة :" الحمد للـــــــــــه دخلت طب اسنان"

نور :"انت مالك انت كنتى عاوزة طب بشري ولا اية؟"

اميرة :"لا, كان نفسي في تمريض كنت حابة ادرسة جداااااااا"

نور :" معلش انا بقي كان نفسي في اسنان ودخلت تمريض"

اميرة :" مبرووووك , الكلية فعلا جميلة والدراسة فيها لذيذة جدااااااا وهتستفادى كتير ربنا يوفقك"

نور :" شكرا , استاذن انا لانى عندى محاضرة يااااااة اتاخرت"

اميرة:" في حفظ الله ربنا يوفقك"



نور ذهبت للكلية وجدت الدكتورة دخلت وبترحب بالطلبة فلم تعرف ماذا تفعل لاتحضر ام تستاذن بالدخول

وبعد تفكير طويل............. قررت الدخول



طرقت نور الباب واستاذنت بالدخول................



نور :" السلام عليكم , اسفة علي التاخير"

الدكتورة :" اتفضلي ادخلى بس قبل ما تدخلى انت عارفة اخلاقيات مهنة التمريض"

نور: " لا لااعرف!!!!!!!1"

الدكتور :" اذن ساخبرك عليكى ان تكونى صادقة ومخلصة وامينة حيث:-



1. الإخلاص: الممرض موضع ثقة المريض وأهلهوذويه والمجتمع ، وأهم ما يوجب هذه الثقة أن يخلص لهم في تقديم العناية التمريضيةاللازمة ، مع احتساب ذلك خالصاً لوجه الله تعالى.

2. الأمانة: الممرض مؤتمن على الأرواح والأعراض ، فلابد أن يتصف بالأمانةوأن يؤدي هذه الأمانة على وجهها الصحيح ومن الأمانة المحافظة على أسرار المرضى.
3. الصدق: فالممرض صادق إذا عمل أو قال أوكتب أو شهد.... حريص كل الحرص ألا تدفعه نوازع القربى أو غيرها الى أن يدلي بشهادةأو تقرير يعلم أنه مغاير للحقيقة





لذلك تعتبر مهنة التمريض مهنة انسانية اخلاقية, تفضلي بالدخول"

نور دخلت المحاضرة

واخذت الدكتورةترحب بالطالبات و تتحدث عن مهنة التمريض ولكن نور لم تكن منتبهة فقد كانت تراجع ما قلتة الكتور عن التمريض فما زال الكلام مدوى في اذنها حتى انتهت الدكتورة من المحاضرة وانصرفت

لم تشعر نور بالوقت الى ان عادت الى المنزل



تغير تفكير نور عن التمريض ولكنها مازالت غير راغبة بالكلية









انتظروا من نور المزيد................ في اليوميات القادمة وفقكم الله جميعااااااااااا

احنا منتظرينك يا مانة شوقتينا

تقبلي مروري

منتظرين المزيد

بس ازاي القصه بتقول ان في واحده دخلت طب اسنان وكان نفسها تمريض بيتهيقلي عمرها ماتحصل بس مشكوره علي القصه وعايزين نكملها لانها بصراحه بتصف حالتي قوي بس اكيد نهايتها هتكون سعيده وان نور هتحب الكليه فساعتها مش هتصف حالتي