اغرب قصه حب فى العالم

غريبه جدا

هذه هى قصه حقيقيه لفتاه توفت فى الشهر الماضى فى القاهره

كان اسمها سهى .توفت نتيجه لاصابتها فى حادثه عربيه

كانت بتشتغل فى مركز علاج طبيعى .وكانت بتحب واحد اسمه ممدوح

كانو بيحبو بعض لدرجه الجنون.وكانو دايما بتكلمو فى التليفون

متلاقيش سهى الا والتليفون فى ايديها.ده حتى غيرت الشريحه بتاعتها علشان هى وممدوح يبقو على نفس الشبكه

عيله سهى كانو عارفين طبعا بعلاقتها هى وممدوح..وطبعا كان ممدوح قريب اوى من عيله سهى (شايفين الحب)

المهم......قبل سهى ما تموت كانت دايما تقول لاصحابها واهلها(لو مت ادفنو الموبايل بتاعى معايا)

وبعد وفاتها حاول الناس يشيلو الجثه بتاعتها بس مقدروش خالص..ويحاولو مهما بحاولو برضه مفيش فايده

وبعدها بشويه اتصلو بواحد صاحب باباها وكان معرفه لناس جيرانهم ليه القدره على التواصل مع الاموات

راح الراجل مسك عصايه وقعد يتكلم مع نفسه ببطء

بعدها بشويه...قال يا جماعه البنت دى ناقصها حاجه من حاجاتها

راح صحابها قالو له انها كانت عايزه موبايلهامعاها لما تموت
المهم...اول ما حطو الموبايل الناس قدرو يشيلو النعش بسهوله

المشكله بقى ان ممدوح كان مسافر واهلها مقالولوش انها ماتت

بعدها بيومين اتصل ممدوح وقال انا جاى يا تانتيا ريت تحضريلى اكله جامده.ومتقوليش لسهى انا عايز افاجاءها

قالتله تعالى بس يا ممدوح فى حاجه مهمه جدا عايزه اقولهالك

ولما وصل قالوله سها ماتت

ممدوح طبعا مكانش مصدق وقال متدحكوش عليا خلوها تخرج انا عارف انا مستخبيه

طبعا عمنا ممدوح مش مصدق وقال طب قولو لها انى جبتلها هديه

راح اهلها وروه شهاده الوفاه الاصليه

قال ممدوح ...يا جماعه ازاى دى كل يوم بتكلمنى ...ولسه هيبدا يبكى

فجاه راح تليفونه رن...الا وده رقم سهى
وراح مشغل المايك ورد عليها وصوتها كان واضح جدا ومن غير اى وش ولا زن ولا اى حاجه

المشكله انه طلع صوت سهى فعلا بس ازاى الشريحه اتقفل عليها فى التلفون فى التابوت مع سها...ازاى؟

المهم ...بعتو للراجل الاولانى اللى حل لهم المشكله الاولانيه

الراجل طبعا مفهمش حاجه
راح جايب رؤساؤه

وفضلو يشتغلو اكتر من 5 ساعات

واكتشفو الصدمه الحقيقيه


انت عندك احسن شبكه تغطيه فى مصر
موبينيل
لو رحت فين احنا وراك
الشبكه الاولى فى مصر

الحب فى كل مكان والشبكه برضه فى كل مكان

انا عارفه ان انتو دلوقتى عايزين.......

بجد حلوة على الرغم انى اتهبلت بس حلوة
تيتو

شرا يا تيتو ربنا يخليك

لا ولا يهمك عادى احنا اسرة واحده فى بعضينا
تيتو

اسره.......................

شكرا على مرورك يا دلوعه

ياربى ع القصه ديه

بس كويس اصل ابا موبينيل

شكرا على مروركم وشكرا على ردودكو الحلوه دى

حرام عليكى ده انا كنت هصدق

بجد جميله انا اندمجت وقعدت افكر مين اللي يكون بيتكلم بس فالاخر عرفت شكرا كتير عليها

هههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههه
والله فكرته بجد
بس بجدبجد جامده موووووووووووووت

شكرا ليكو كلكو يا جماعه بجد
اتمني اان التوبيك يكون عجبكو