مطالب شباب التمريض من اجل مستقبل افضل واروع للتمريض

السلام عليكم ورحمة الله ورحمة الله وبركاته
من المطالب اللى بتمناها 1_الغاء الاقرار وده انا اتكلمت عنه قبل كده
2_ان تكون عميدة كلية التمريض خريجة كلية التمريض بكل فخر
3_يا ريت يخلو الدراسات العليا تبدء بعد سنه من التكليف بلاش سنتين دى _
4_ان تبقى دائما كلية التمريض من كليات القمه ذو المرحله الاولى مينفعش ناس تدخل ب95.5وناس تيجى تدخل بعدين66 و50%

بسم الله الرحمن الراحيم
انا زميلكم ابراهيم طالب بالفرقه الثالثه
اولا ما حدث بالنسبه لموضوع الاقرار اللى احنا مضينا عليه واحنا مش عرفين عنه حاجه ده بعتبره تضليل حصل من ادارة الكليه وجميع من اشتركوا من الدكتره والمعيدات فى الانترفيو ولازم ومن حقنا الورق ده يرجعلنا علشان نقرر هنعمل فيه ايه. ثانيا العملى اللى محصلش فيه تطوير من مده طويله والطالب مبيتعلمش منه النسبه الكافيه من العملى اللى يستطيع بيها الدخول الى مجال العمل وهو عنده خلفيه كافيه وده لللاسف بيخلى الطالب يتعلم من الزملاء العاملين فى المستشفه وهو وحظه ممكن اللى يعلمه يكون ممرض او ممرضه بتعمل التكنيك صح وده نادر على الجانب الاخر ممكن اللى يعلمه يكون شخص مهمل وبيعمل التكنيك بشكل خاطئ ودى المصيبه . ثالثا المواد اللى مش عارفين بندرسها ليه زى علم نفس اللى بندرسه بشكل لا يؤدى اللى الافاده مهارات تدريس وغيرهم .انا شايف ان المواد دى تؤدى الى تشتيت الطالب وخلاص ومضيعه للوقت والجهد.رابعا نظام الشيت اللى فى الكتب اللى بيرغم الطالب على شراء الكتاب وان لم يكن هناك داعى لان بطبيعة الحال لو كتاب له اهميه الطلبه هتشتريه. خامسا انتخبات الاتحاد اللى كانت فى الحقيقه بتم بشكل يثير الريبه والشك فى نفوسنا اللى قليل من المرات والعجيب واللى يثير الاعصاب ان بعض الطلبه اللى كانوا معروفين انهم من عيون امن الكليه واللى هما اشخاص غير مرغوب فيهم بيرشحوا نفسهم تانى لللانتخابات .انا معنديش مانع كليا لكن يجب ان هما يسيبوا فرصه لناس بنحبهم وطول الفتره اللى فاتت حسين ان هما مننا.على فكره دى مطالبى داخل الكليه ولسه عندى افكار ومش لوحدى دا انا وكتير من اللى اعرفهم لكن مش دلوئتى ولا داخل الكليه هنقدر نطرح الافكار دى دى افكار تخص التمريض كله ومنهم نظام التعليم فى كليات تمريض عامه وان شاء الله هكلم عليها بعدين.
والسلام عليكم ورحمة الله وبركاته

بسم الله الرحمن الرحيم


من شباب كلية التمريض جامعة الزقازيق


تحية طيبة وبعد


تقررت هذه الوقفة الاحتجاجية بناء علي عدة اسباب ،وهي متمثله في مطالبناوهي:


اولا: الغاء الاقرار الضمني المرفق بالملف الخاص بكل طالب ،الاقرار الغير شرعي لعدم تجاوز المقر السن القانوني
ثانيا :الكتاب الجامعي لابد من توفيره بما يتوافق مع ماديات الطالب المتوسط
ثالثا : ضمان حسن المعاملة لجميع طلاب المراحل الخمس داخل المستشفيات والتعامل مع المشاكل الناجمة بما يكفل احقاق الحق وحفظ الكرامة


وبخصوص الامتياز في هذه النقطة لابد من وجود نوع من المرونة في الروسترلكل طالب وضمان تجنب السهر وخصوصا البنات


رابعا: الموافقة علي تأسيس مجلس منوبعن الطلاب ممثل من الفرق الخمس لحضور اجتماعات المجلس الرسمي للكلية للاطلاع علي ما يخص الطلبة من اجراءات وقرارت متخذة او محتملة


خامسا:اجراء استفتاءات الزامية علي ترتيب ومواعيد المواد الامتحانية مع مراعاة الفوارق الزمنية.


سادسا: رفع سقف ايام الغياب التي تمنع الطالب من دخول الامتحان الي عدد يتم الاتفاق علية.


سابعا :التراجع عن فكرة الغاء الاشراف نهائيا.


ثامنا عمل وحدة اسعاف مقرها الكلية وذلك لكونها كيان طبي.


تاسعا ضمان اتخاذ اجراءات محددة وواضحة ومعلنة من اعضاء هيئة التدريس لتحسين صورة الكلية اعلاميا علي الاخص.


عاشرا : عمل دورات تنمية مهارات للمعيدات يضمن اجتياز اختباراتها لتسني العمل بموجب اسم معيد


واللنك دا مهم http://ourhour-af.blogspot.com/
ودا
https://www.facebook.com/#!/sunofnight66/posts/119271121481730?notif_t=feed_comment

او دا https://enssa.yoo7.com/t2220p15-topic
مرسلة بواسطة ahmed fawzy في 11:58 م

السلام عليكم يا شباب بالنسبة للاقرار العجيب بتاعكو ده مالوش اي قيمة لان سيادتكم بتتخرجو علي الدرجة الثالثة التخصصية ده لو كادر عام اما السادة الدبلومات علي الدرجة الرابعة الفنية و في فرق كبيييييييير جدا الاقرار ده قيمته صفر علي الشمال و لا يمكن ان ينزل درجاتكم الوظيفية يا شباب ده قانون وظيفة يعني طنشو خالص و الست الممرضة المحترمة اللي بتقول انكم زيها مشكلتها انها مش فاهمة فهمومها وضعها بكل ادب و متسيبوش حد يحبط عزيمتكم او يقلل من مكانتكم الوظيفية حتي لو فرض و اشتغلتم بأيدكم مع العيانين ده ما يقللش ابدا من درجتكم التخصصية كل واحد عارف كويس انتو بتشتغلو ازاي حتي لو بيستعبط و اجمدو شوية و ردو برخامة علي اللي عاوز يرخم عليكم انا اكبر منكم بكتير و شفت كتييييير اوي مشكلتكم ان انتم لسة عضمكو طري المهنة دي و اقصد كل المهن الطبية عاوزة اسود تاكل اللي قدامها متسكتلوش

السلام عليكم
اولا ايه المانع اننا لازم نلغى الاقرار ده
وايه المانع ان احننا نطالب بكده
هو مش كليتنا المفروض تخرجنا مشرفين
يبقى لازم نكون كده
ليه يغيرو وده مطلبنا كلنا
يبقى لازم نحترمه ونطالب بيه

اعتصام تمريض الزقازيق اليوم

اليوم من اروع الايام في كلية التمريض جامعة الزقازيق

اذ وقف كل الطلاب والمعيدات يدا واحدة لتحقيق المطالب المنشودة

في ملحمة هي الاولي من نوعها علي الاطلاق في تاريخ الكلية

وقد تم الغاء الاقرار وتسلم طلاب الفرق الاربع الاقرارات الموقعة من قبلهم

المهم ان هذا المطلب الاول

التالي والمخطط له انشاء الله
سيتم غدا تاسيس المجلس المنوب عن الطلاب ممثل من جميع الفرق والذي سيتفاوض او سيحمل علي عاتقة مسؤلية المطالب المتبقية والتي لا ولن نفرط فيها

زملائي الاعزاء لكم كل الشكر علي التلبية الايجابية

ونتمني منكم ان تكونوا علي قدر المسؤلية وان تقدموا غدا اختيارا حسنا للمندوبين في مجلس الكلية
وان يتم الضغط بما لا يدع مجالا للماطلة او التجاهل

اللنك دا يا حماعة علية الاعتصام كامل بالصور
http://ourhour-af.blogspot.com

الحمد لله حصلنا على الاقرار للأربع فرق
وربنا يقوينا نبدا التغيير من نفسنا الأول
بس ياريت نعمل اقرار تانى نبطل فيه الاقرار ده لأن ده مستقبلنا وربنا يبارك فى شباب تمريض

اليوم كان رائع بكل المقايس وقد حصلنا على الاقرار وانشاء الله يستجيبوا لجميع مطالبنا

طيب ممكن حد يقول ليه ايه موقف الامتياز

بسم الله الرحمن الاحيم
السلام عليكم ورحمة الله وبركاته
الحمد لله حققنا مطلب من المطالب اللى هو الاقرار وده خطوه جيده جدا بس لسه كتير ولازم نتعب علشان حقوقنا .
عاوزين كمان نوسع دائرة المطالب خارج نطاق الكليه .فمثلا فى اقتراح بيقول: عاوزين وحدة اسعاف خاصه بكلية تمريض يكون فيها دكتور ومسعفين ويكون المشاركه من الكليه فيها تنظيو بحيث كل سكشن يكون له اسبوع مع الوحده ده يدى للطالب خبره ميدانيه واى حاله تكون قريبه بيتم التعامل معاها باسرع ما يمكن .والطلبه تعمل حملة توعيه لللاسعافات الاوليه فى الكليات المجاوره.ثانيا موضوع خاص بنظام التعليم :فى اقتراح بيقول احنا عاوزين تخصص تمريضى على النحو التالى :يكون فى ثلاث سنوات عام والسنه الرابعه تخصص حسب المجموع وسنة الامتياز تكون اقل من المده الحاليه بحيث لاتتعدى 6 اشهر ده يدى للطالب قوه فى الاكاديمى والعملى وطبعا ده محتاج تحسين العملى فى الكليات اثناء الدراسه . ده مجرد اقتراح ويريت لو حد عنده تعديل او مش موافق يدينه رايه.

لازم الناس تفهم ان مش معني الغاء الاقرار اننا غيرنا الواقع مشورنا لسه طويل ومش هيخلص
ويا ريت الناس تدي اهمية اكتر للمطالب التانية مش الاقرار الباطل قانونا

انا بشكر حضاراتكم على مجهودكم الرائع دا ولولا امتيازى كنت جيت

بدعوكم لاستكمال حوارنا الاساسى انا هفاجئكم بمطالب بردو بس شدو حيلكو معانا

السلام عليكم ورحمة الله وبركاته
بسم الله الرحمن الراحيم
مش هنئول ان احنا حققنا مطالب بس على الاقل احنا عرفنا الطريق اللى هنحقق بيه مطالبنا كلها ان شاء الله بس ده محتاج مجهود وتعب وتكاتف من الجميع . النقيب هيجى عندنا يوم الاحد او الاثنين وهنعرض عليه المطالب اللىمنها انه يوصل القرار اللى اخدناه من رئيس الجامعه ويوصله لجميع الجهات المعنيه (مستشفيات جامعة الزقازيق -وزارة الصحه). وايضا الدرجه الماليه للتعيين (الدرجه الثالثه)دى لازم تتحسن .تحسين دور النقابه وتحويلها الى نقابه مهنيه وليست نقابه عماليه زى زمان. اهم حاجه حقنا معتش الخوف بيهمنا لو انتا واحد مننا بلاش تلرغى وتئولنا نمشى ونسيب حلمنا. والسلام ختام.

ما ضاع حق ورائه مطالب حقا

ابراهيم الدسوقى جمعه كتب:بسم الله الرحمن الاحيم
السلام عليكم ورحمة الله وبركاته
الحمد لله حققنا مطلب من المطالب اللى هو الاقرار وده خطوه جيده جدا بس لسه كتير ولازم نتعب علشان حقوقنا .
عاوزين كمان نوسع دائرة المطالب خارج نطاق الكليه .فمثلا فى اقتراح بيقول: عاوزين وحدة اسعاف خاصه بكلية تمريض يكون فيها دكتور ومسعفين ويكون المشاركه من الكليه فيها تنظيو بحيث كل سكشن يكون له اسبوع مع الوحده ده يدى للطالب خبره ميدانيه واى حاله تكون قريبه بيتم التعامل معاها باسرع ما يمكن .والطلبه تعمل حملة توعيه لللاسعافات الاوليه فى الكليات المجاوره.ثانيا موضوع خاص بنظام التعليم :فى اقتراح بيقول احنا عاوزين تخصص تمريضى على النحو التالى :يكون فى ثلاث سنوات عام والسنه الرابعه تخصص حسب المجموع وسنة الامتياز تكون اقل من المده الحاليه بحيث لاتتعدى 6 اشهر ده يدى للطالب قوه فى الاكاديمى والعملى وطبعا ده محتاج تحسين العملى فى الكليات اثناء الدراسه . ده مجرد اقتراح ويريت لو حد عنده تعديل او مش موافق يدينه رايه.

انا ارحب بفكرة الاسعافات الاولية لاننا بنشوفها في اي وقت واي مكان ومعظم اللي بيتاملوا معها بيتعاملوا غلط وشكرا عالفكرة الرائعة
اما مدة التدريب انا ارى ان سنه ممتازة
اخوكم >>>عبدالرحمن -->>الفرقة الاولى

أه أه أه . فى الحقيقه انا زعلان وخلاص زى ما قولتلك يا احمد يا جمال اربت افقد الامل . اللى حصل فى الكليه انهارده سبب لينا كلنا احباط لان احنا بنتكلم ونتعب علشان التمريض وشكله وحقوق التمريض اللى ضايعه وفى الاخر نلائى نا س بتفكر بشكل شخصى ويتخنئو علشان اتحاد الطلبه ويبئه كل الكليات بتتفرج علينا ويقولو هم دول بئه تمريض فين الهتاف اللى كان بيقول ( كلنا ايد واحده) احنا بئينا مفككين .اللهم اجمع كلمتنا على دبنك وعلى ما تحبه وترضاه. امين يا رب

انا طالبة في الفرقة التانية جامعة بنها
انا اولا ربنا مش اراد ليا اني ادخل ثاناوية عامة عشان ادخل واحقق هدفي بس الحمد لله علي كل شئ
دخلت دبلوم ومعهد وبعدها دخلت الحمد لله الكلية
اثناء تدريبي بصراحة كنت بشوف وضع الممرضة غير لائق بالمرة
نفسي الوضع دا يتغير
ثانيا اني التمريض يسيبوا شغلهم في المستشفيات الحكومية وانهم يشتغلوا بريفيد او يسافروا دا كله ليه عشان لما بيتعبوا ويلاقوا مقابل المفروض اني يكون في حد عادل في الاجور
ثالثا المفرض يكون لينا سلطة متساوية مع الاطباء انا كنت بتدرب في مستشفيات الدكتور كان بيدي اوامر حتي لو كانت غلط لازم التمريض ينفذ وبس ولو مكناش بنفذ كانوا بيشتكوا مننا الوضع دا كتير بيتغير في المستشفيات الاستثماري المرضة بتكون متساوية مع الطبيب في السلطة وفي حاجات كتير بتكون فيها مشاورة بينهم وبيكون التمريض له وضعه وفي اطباء بيحترموا دا
كمان اثناء التدريب المفروض اني احنا رايحين نتدرب في قسم ما المفروض اننا نتعم كل حاجة في القسم حتي لو كان من اختصا الاطباء مفيش مانع اننا نكون علي وعي بكل شئ في سبيل اني اي حد او اي مريض اكيد هيسالنا احنا لاننا احنا المقربين للمرضي واحنا اللي بنكون جمبهم يكون لو سالنا علي حاجة نقدر نفيده مش الدكتورة تتحايل علي الاطباء والتمريض اللي هناك عشان يدخلونا نشوف الحاجات اللي احنا عايزينها
عايزين نرتقي بالمهنة شوية مفيش حاجة اسمها نبقي ملايكة رحمة شغلنا اننا نريح المريض في كل الاحوال حتي لو اهانك مش مشكلة انت مش عالم ايه اللي في المريض اساسا ربنا يعافينا جميعا احنا لو مكانه هنعمل اكتر من كدا واحنا بنتعامل مع فئات كتير من الشعب يعني مكن يكون فلاح وممكن يكون متعلم المفروض المعالمة تكون افضل ممكن الطبيب يتعصب شوية انما احنا مجالنا مينفعشي اننا نتعصب يعني عايزين
((((( يكون اجبراي علي التمريض كله التمنية البشرية ))))
يا جماعة التمريض سمعته رجعت زي الاول عايزين نعدل الصورة اللي الناس شايفينها عننا
عايزين نعدم الجانب السوء من التمريض
انا حضرت الندوة امبارح في جامعة بنها كنت جداية عشان اقول حاجات بس الحمد لله لقيت زمايلنا قالوها كلها
بس اللي دخل من المعهد بامتياز عشان يكمل كلية ودخل علي سنة تانية مثلي كدا دا مش ظلم لطلبة الثاناوية العامة زي ما الزميل احمد شوقي قال في الاخر
انا علي فكرة مؤمنة كل الايمان اني زمايلنا مستعدين يفهموا منا عن ما يفهموا من المعيدين او الدكاترة مش عشان حاجه عشان مستوي التفكير متقارب انا واحدة من البنات قبل الامتحانات العملية بشرح لمجموعة كبيرة البروسيدجر وفي بنات مش بتكون مذاكرة وبحفظهالهم وكمان في بنات ايام العملي كنت بعملها وكانوا بيطلوب امننا دا يعني مفيش مانع اننا بعد اي سيكشن نشرحه احنا بطريقتنا بطريقة صح بس هتثبت المعلومة اللي الدكتورة قالتها للطلبة الثاناوية العامة يعني احنا مش بنمانع دا انا بجد اتضايقت اللي احمد قاله امبارح بسبب الظلم ودا
احنا ذاكرنا بردو في الدبلوم والمعهد وضاع من عمرنا سنة خلاف الثاناوية العامة ومش كل واحد دخل دبلوم بيكون مش شاطر لا في ظروف بتحكم دا بس
ياريت نطور من التمريض لاني بشوف امثال وحشة اوي وعلي فكرة في حاجة كمان معاملة التمريض اللي هما الكبار اللي بيكونوا واخدين دبلومات في الجامعة بتكون وحشة اوي لينا عايزين بجد المعاملة دي تتغير
وكمان في حاجة السكاشن بيدخل فيها وليكن 3 مجموعات في معمل واحد كل دكتورة بتشرح بطريقتها وفي دكتورة صوتها منخفض ود\كتورة صوتها عالي واحنا سمعنا وفكرنا مشتت لا عارفين نركز مع دي ولا مع دي
وبعدين المفروض اساسا انهم يعملوا محاضرات عاملية للتمريض في المستشفيات اسبوعية وايه المشكلة لما تكون رئيسة القسم تعمل دورات تدريبة للتمريض عندها في القسم كل اسبوع تعملهم حاجة بما انها خريجة كلية وهما دبلومات ومعاهد
وبالنسبة للسورس بتاع كل مادة او الكتب المفرض ناخده علي بعضه مش ناخد كل سورس لوحده ورقتين بورقتين نيجي نجمع في الاجر محاضرة تضيع ومحاضرة نلاقيها المفروض يكون في سورس موحد او كتاب موحد زي عندنا دكتور الامراض الحرجة بيدينا المادة اتنين الدكتور الاول ادانا مرجع وقالنا نذاكر منه وبدانا بالفعل نذاكر منه ثالث محاضرة دكتور تاني ادانا حاجات مش موجودة في السورس اللي معانا ولما قلناله قالنا اللي معاكو دا مختصر ومش عاجبني وقالنا هعملكو سورس جديد وناو احنا مش عارفين نذاكر في ايه وييجوا في الاخر ويكدسوا كل حاجة علي الطلبة ومطلوب مننا نذاكر وننجح بتقديرات منين بقي بس الحمد لله الدكتور عبد الرحيم حل لينا مشكلة الدكاترة اللي بييجوا في اخر الترم ويخلصوا المناهج ويمشوا وخلاص

والمهم اننا يتعملنا قانون مزاولة مهنة ازاي نشتغل ومفيش قانون مزاولة مهنة اي غلطة الدكتور يغلط فيها احنا اللي نتعاقب ليه

بسم الله الرحمن الراحيم
السلام عليكم
طبعا كلنا سمعنا عن مؤتمر بنها وزميلنا اللى راحوا مستائين وحسب موصلنا من كلامهم ان المؤتمر كان شبيه كتير بالمؤتمر بتاع نقيبة الزقازيق عندنا بمعنى ان الكلام هلامى ملوش شكل ولا مضمون ولا مرتبط بالمطالب اللى احنا عاوزينها .وفى حاجه تانيه احنا مش عارفين الدكتره فى الكليه معانا ولا مش معانا . الدكتوره امل الدخاخنى عملت عرض عضلات على طلبه الاطفال وبتهددهم اللى مش هيشترى الكتاب ويقدم الشيت مش هيعدى . وبعد مسمعنا من دكتورة الاحصاء ان العميده اصدرت قرار ان الكتب تبئه بشيت وبدرجات على الشفوى اكدلنا ان ده حاجه متفق عليها . وكمان الدكتوره امل بتقول ان اللى هيعتصم هيتعمله مجلس تأديبى فى الكليه. اه احنا فى زمن اللى يطالب بحقه يتظلم ويتأدب. اللهم ارحمنا.

ياجماعة أنا شايفة ان معظم المطالب مهمة جدا ولكن ياختصا ر أنا لم أقرأ أى طلب عن التالى:
1-رفع مجموع الكلية فوق 90 لان بجد اللى بيحصل ده عييييييب أوى فى حق التمريض وطبعا لجنة التنسيق بتتحجج
بأنه فى عجز فى الأعداد ومش قادرين يفهموا ان المجموع أبو 50% بيطلع خريجين عبء على التمريض وبكده بيعقدوا المشكلة.
2-الغاء الاجراءات المعقدة التى تجرى عند عمل ترخيص مزاولة المهنة
اسفة على التأخير لأن حسابى كان غير نشط فى الفترة المحددة
من قنا

ده على فكره الوصف الوظيفى لنا لعام2007من وزاره الصحه• قرار وزير الصحة


رقم 421 لسنة 2007


فى شأن قواعد تكليف أفراد هيئة التمريض

بطاقة وصف

المؤهل : بكالوريوس
الدرجة : الثالثة
المجموعة الوظيفية : التخصصية
المجموعة النوعية : وظائف التمريض العالى
إسم الوظيفة : أخصائى تمريض بالمستشفى

واجبات ومسئوليات الوظيفة
• الإلتزام بالزى الرسمى التمريضى
• الإلتزام بالمواعيد الرسمية
• الإلتزام بلوائح ونظم العمل
• الإتصال مع المستويات المختلفة
• توزيع الإعمال على الفئات التمريضية المختلفة الأدنى طبقا لإحتياجات الأفراد والمرضى
• تقدير الإحتياجات اللازمة للعمل التمريضى من آلات وأدوات وأجهزة
• الإبلاغ عن حدوث أى أعطال بالأجهزة والأدوات التى تستخدم /لها علاقة بالعمل التمريضى
• تعد وتنفذ وتقيم الخطط التمريضية للحالات الدقيقة والمتخصصة المسؤلة عنهم
• تشرف على العاملين من أفراد هيئة التمريض
• الإشراف على التقارير والسجلات التمريضية والتى لها علاقة بالعمل التمريضى
• الحفاظ وترشيد إستهلاك المستلزمات والأدوية
• الإشراف على التسليم والتسلم
o المرضى
o التقارير والسجلات
o الأجهزة والمستلزمات
o بيئة العمل
• إقتراح الثواب والعقاب لأفراد هيئة التمريض المسؤلة عنهم
• الإشراف على تنفيذ العلاج بأنواعه المختلفة طبقا لتعليمات الطبيب
• المرور مع الأطباء والإبلاغ عن الأعراض والعلامات الغير طبيعية
• المرور ومتابعة السلامة البيئية
• تدريب أفراد هيئة التمريض الجدد
• إتباع أسس التحكم فى العدوى فى جميع الأعمال التمريضية
• إتباع طرق الجودة فى أداء الأعمال التمريضية
• تقديم تقرير يومى لرئيسة التمريض عن أحوال المرضى المسئولة عنهم خاصة الحالات الحرجة
• متابعة تنفيذ إجراءات دخول وخروج المرضى وتقديم التثقيف الصحى والإرشادات التى يجب إتباعها لمتابعة علاجه بعد الخروج
• عرض المشاكل التى تعترض العمل التمريضى /أفراد هيئة التمريض وإقتراح الحلول
• الإطلاع المستمر لما هو جديد فى مجال عملها
• حضور الدورات التدريبية والندوات والمؤتمرات التى ترشح لها



بطاقة وصف
المؤهل : دبلوم معهد فنى شعب التمريض
الدرجة : الرابعة
المجموعة الوظيفية : الفنية
المجموعة النوعية : وظائف التمريض الفنى

إسم الوظيفة : فنية تمريض بالمستشفى

واجبات ومسئوليات الوظيفة
• الإلتزام بالزى الرسمى التمريضى
• الإلتزام بالمواعيد الرسمية
• الإلتزام بلوائح ونظم العمل
• الإتصال مع المستويات المختلفة
• الإبلاغ عن حدوث أى أعطال بالأجهزة والأدوات التى تستخدم /لها علاقة بالعمل التمريضى
• عمل وتنفيذ وتقييم الخطط التمريضية للحالات المسؤلة عنهم
• ملاحظة المرضى المسئولة عنهم والتبليغ عن أى أعراض أو علامات غير طبيعية لرئيسها المباشر
• التدوين المستمر بالتقارير والسجلات التمريضية والتى لها علاقة بالعمل التمريضى
• الحفاظ وترشيد إستهلاك المستلزمات والأدوية
• الإلتزام بالتسليم والتسلم
o المرضى
o التقارير والسجلات
o الأجهزة والمستلزمات
o بيئة العمل
• تنفيذ العلاج بأنواعه المختلفة طبقا لتعليمات الطبيب
• إتباع أسس التحكم فى العدوى فى جميع الأعمال التمريضية
• إتباع طرق الجودة فى أداء الأعمال التمريضية
• تقديم تقرير يومى لرئيسة التمريض عن أحوال المرضى
• تنفيذ إجراءات دخول وخروج المرضى وتقديم التثقيف الصحى والإرشادات التى يجب إتباعها لمتابعة علاجه بعد الخروج
• الإطلاع المستمر لما هو جديد فى مجال عملها
• حضور الدورات التدريبية والندوات والمؤتمرات التى ترشح لها

فبذالك لابد من تطنيق هذا الوصف الوظيفى والالتزام به والمطالبه فى حقوقنا للتدرج الوظيفى







الباب الخامس
الجهات الراغبه في تكليف الخريجين لديها :
1) الادارات الصحية التابعه لمديريات الشئون الصحية بالمحافظات
2) الجهات الاخرى مثل :
• وحدات الديوان العام ( امانه المراكز المتخصصة ، أمانه الصحة النفسية )
• وحدات الهيئة العامة للتامين الصحى
• وحدات هيئة المستشفيات والمعاهد التعليمية
• المستشفيات الجامعية
• وحدات المؤسسة العلاجية
• الجهات الخارجية

ولذلك لابد من المطالبه بتطبيق هذا الوصف الوظيفى والالتزام بحقوقنا فى التدرج الوظيفى