امثال تيته اقصد جدتى يعنى
4 مشترك
صفحة 1 من اصل 1
امثال تيته اقصد جدتى يعنى
من طرف مانة الأحد 25 أبريل 2010, 14:21
هاااااااااااااى إفرى بدى
قررت اشغل دماغى واطلع بنات أفكارى ....وهذا بالطبع لا يحدث إلا نادراً
وجدت ان لدى العديد والعديد من الامثال التى سمعتها من جدتى او من جاره كبيرة فى السن
وهى امثال غريبه جداً ....لكنها ذات معانى ظريفة .... فعرضتها عليكم ويارب تعجبكم
وسأضع الكاتالوج الخاص بكل مثل ....وياريت اللى عنده مثل مشابة يقوله ....حسنه قليلة تمنع بلاوى كتيرة يا زملاء
والان الى الامثال ....امثال جدتى وجدتك الغريبه :
اللى ايدى مش فى مقطفه ....عفريت يلهفه
يعنى من لا يحس بك وقت الصعاب فيمد ايده لكى يمسح دمعتك ...ولا يمد ايده بالمعونة وقت الحاجه ...ولا تحتاج له فى معيشتك واكل عيشك ....ولا يهمك منه ...فليذهب الى الجحيم ...عفريت يلهفه
آخد الغندور ..واعيش ولو فى الكانون:
يعنى اتزوج من احب ويقر به عينى واعيش ولو فى الكانون ...والكانون هو حجرين بيحطوهم ويولعوا فوقهم لعمل الاكل او الشاى والقهوه فى القرى
يا مستنى السمنة من فم النمله عمرك ما هتقلى
ده بيتقال فى اللى بينعدم منه الرجاء تماما ....تخيلوا معايا ....النمله امتى هيطلع منها سمنه ...طبعاً فى المشمش ان شاء الله
اللى بطنه (ريـح) ....عمره ما(يستريح)
يعنى اللى رغباته كتير ..ومش بيعجبه شيئ ...ولا بيملى عينه شيئ .. وعامل زى الريح متغير ومتقلب ...اكيد لن يستريح
حمام جارنا قال عاوز يعقل حمام دارنا ... وحمام داره مجنون ..لله في خلقه شؤون
يقال للشخص اللي يحاول ينصح الناس و أهل بيته ما ينصحهم
عميه بتكحل مجنونه... تقولها حواجبك سوده ومقرونه
تقال للشخص اللى ضحك عليه شخص كاذب
لما راح المقبرة بقى زى السكره
يقال هذا المثل عن المنافق اللي يمدح شخص ميت كان يكرهه ( لما كان عايش)
أنقضت حاجتى.. يلعن أبو جارتي
تقال للشخص صاحب المصالح اللي أنتهت مصلحته و بعدها مش عاوز يعرف تانى اللي أعطاه مصلحته
حكاية المقص كلمتين وبس
يقال للشخص اللي يتكلم بأختصار
اللى ما يطول الشبح ...يقول خلاص يا جدعان ده انكشح:
يقال لمن لم يحصل ويلحق شبحه ...يتفلسف ويقول خلاص ده انكشح ...يعنى مشى
الحظ لما يواتى ...يخلى الاعمى ...ساعاتى
الحظ لما بييجى للانسان بيخليه ...حتى لو اعمى ...هيصلح ساعات
المرأة كالنحلة تدر عسلاً إذا حبت .. وتلسع إذا كرهت
(لا تعلييييييييق)
إذا أردتي أن تكرهي رجلاً.. فتزوجية
(((( صــــح ))))
اذا الزمن ماطاوعكشى ....طاوعه انت
الشايب لما يدلع يبقي زي الباب المخلع
الي يجمعو القرد يكلو الحمار معناه الطماع و النصاب
اكفي اقدره علي فومها تطلع البنت لمها
الحيه تخلف ثعبان
العرق يمد لسابع جد
قلبي علي ولدي انفطر و قبل ابني علي حجر مصر و المصريين
اجري جري الوحوش غير روقق لم يحوش
ايش تعمل الماشطه في الوش العكر
الحلو حلو حتلي لو قام من النوم و الوحش وحش ولو استحمي كل يوم
القرعه تتعايق بشعر بنت اختها
الي خديتو القرعه تاخدو ام الشعور زوج الاثنين
الي اختشو ماتو ( الله يرحمهم )))))))))
البلد الي ما تعرفش حد فيها شلح و اجري فيها
جبتك يا عبد المعين تعني لقيت يا عبد المعين تتعان
حتي همك علي همي و يالا بينا نشتكي لامي
يا واخد القرد علي ماله يروح المال ويفضل القرد علي حاله
قرعه و تقول لابوهه وديني الكوفير
اتلم المتعوس علي خائب الرجاء
اتلم تنتنان علي تنتن و احد نتن و التاني انتن
ما جمع الي ما وفق
الطيور علي اشكاله تقع
ما طار كير و ارتفع الا كما طار وقع
ياما في الحبس مظليم
يا بخت من وفق راسين في الحلال
امشي في جنازه ولا تمشيش في جوازه
امشي عدل يحتار عدوك فيك
حبيبك يبلعلك الظلط و عدوك يتمانالك الغلط
ان فاتك الميري اتمرغ في ترابه
ان كان لك عند الكلب حاجه قولو يا سيدي
في الوش مرايه و في القفا سلايه
اختار الجار قبل الدار
من جاور السعيد يسعد و من جاور الحداد ينكوي بناره
قيراط حظ ولا فدان شطاره
اديني حظ و ارميني في البحر
الي تصدق راجل تبقي متغطيه بالهوا في ليل امشير
يا مامنه للجال يا مامه للميه في الغربال
لو جابو للمجنون الف عقل علي عقله ما يعجبوش غير عقله
اذا كان الي بيتكلم مجنون يبقي الي بيستمع عاقل
الي يشوف مرات ابوه يعرف قيمه امه
الي ميرداش بلخوخ يرضي بشرابه
الي ميربهوش امه وابوه تربيه الايام و اليالي و كمان الحكومه
ماتصوتشى على ابوك اللى مات ....صوت على عصر الجمعه اللى فات
اللي يتكل علي جارته..مينامش الليل وتنفقع مرارته:
هههههههههههههههههه
اللي يعلم بحالك... ربك وجارك
ان كرهك جارك ... حول باب دارك
و علي راي المثل
يا قاعدين يكفيكم شر الجايين
جت الحزينه تفرح ملقيتلهاش مترح
و الي عاوز العسل يستحمل قرص النحل
و يا نحله لا تقرصيني ولا عاوز عسل منك
و اذا كان الغراب دليل قوم فبشرو بالخراب ولو بعد حين
و ميعدش علي المذاود الا شر البقر
و الحدايه مبتحدفش كتاكيت
و هيسخطوك يا قرد
و ضربو العمي علي عينه قال خربانه خربانه
و تيجي تكحله تعميها
و تطلع من نقره تقع في دجضيره
و المنحوس منحوس حتي لو حطو علي بابو فانوس
و الجعان يحلم بسوق العيش
و قليل البخت يلاقي العضم في الكرشه
و الكحكه في ايد اليتيم عجبه
و كفايه بقي لحسن تعبت
هههههههههههههههههههههههه
خدوا الحكمة من افواة الحكماء (مــــــــــــــــــــــــانــــــــــــــــــــــة)
مانة- مش معقول
- البلد : جمهورية مصر العربية محافظة الغربية
عدد المساهمات : 291
نقاط : 356
تاريخ التسجيل : 30/06/2009
العمر : 35
المزاج : تمام الحمد لله
رد: امثال تيته اقصد جدتى يعنى
من طرف hashoma الثلاثاء 27 أبريل 2010, 22:31
يسعد مساكي يا باشا
ويسعدني أنا كمان إني اكون أول واحد يرد عليكي
بس متهيألي إنتي جبتي موسوعة الأمثال كلها هنا
مخلتيش حاجة
وعلى رأي المثل :
لو عايز تشوف مثل .. شوف الموضوع دا اللي زي العسل
********
ويسعدني أنا كمان إني اكون أول واحد يرد عليكي
بس متهيألي إنتي جبتي موسوعة الأمثال كلها هنا
مخلتيش حاجة
وعلى رأي المثل :
لو عايز تشوف مثل .. شوف الموضوع دا اللي زي العسل
********
hashoma- شغال تمام
- البلد : Egypt
عدد المساهمات : 379
نقاط : 408
تاريخ التسجيل : 28/11/2009
العمر : 45
الموقع : روح انت بس هناك واسأل
المزاج : مستكنيص
رد: امثال تيته اقصد جدتى يعنى
من طرف bent elhyah الأربعاء 28 أبريل 2010, 18:42
هههههههههههههههههههههههههههههههههههههههههههههههه
حلوين تسلمى
ويخليلك جدتك
حلوين تسلمى
ويخليلك جدتك
bent elhyah- مش معقول
- البلد : المنصوره
عدد المساهمات : 267
نقاط : 315
تاريخ التسجيل : 23/10/2009
العمر : 34
الموقع : مكان بعيد صعب توصل له
المزاج : قول يااااااااااااااااااااااااااارب
رد: امثال تيته اقصد جدتى يعنى
من طرف مانة الخميس 29 أبريل 2010, 15:22
العواف عليكم
شكرا شكراااااااا يا راجل يا جدع
والله نورت الموضوع والدنيا كلها
وميرسي ليكى يا بنت الحياه
ويخليكى يارب
مانة- مش معقول
- البلد : جمهورية مصر العربية محافظة الغربية
عدد المساهمات : 291
نقاط : 356
تاريخ التسجيل : 30/06/2009
العمر : 35
المزاج : تمام الحمد لله
رد: امثال تيته اقصد جدتى يعنى
من طرف barbarita الجمعة 30 أبريل 2010, 11:04
برااااااااااااااااااااااااااااااااااااااافو يا مانه
فعلا تعرف صاحبك ازاااااااااى
ربنا يباركلك يا بنتى
ويخليلك العتبه اللي انت قاعده عليها
فعلا تعرف صاحبك ازاااااااااى
ربنا يباركلك يا بنتى
ويخليلك العتبه اللي انت قاعده عليها
barbarita- مش معقول
- البلد : egypt_ tanta
عدد المساهمات : 257
نقاط : 305
تاريخ التسجيل : 13/07/2009
العمر : 34
hashoma- شغال تمام
- البلد : Egypt
عدد المساهمات : 379
نقاط : 408
تاريخ التسجيل : 28/11/2009
العمر : 45
الموقع : روح انت بس هناك واسأل
المزاج : مستكنيص
رد: امثال تيته اقصد جدتى يعنى
من طرف مانة الثلاثاء 04 مايو 2010, 17:32
ههههههههههههههههههههههههه
باربي روح هارتى وحشانى
وانا عارفه تعرف صاحبك ازاى (مفهوم يعنى )
اما العتبه ولا المصطبه
فهى مش بتاعتى دى بتاع جدتى اقصد تيته
هههههههههههههههههههههههه
نورت الموضوع
مانة- مش معقول
- البلد : جمهورية مصر العربية محافظة الغربية
عدد المساهمات : 291
نقاط : 356
تاريخ التسجيل : 30/06/2009
العمر : 35
المزاج : تمام الحمد لله
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى