Egyptian Nursing Students' Scientific Association
لو عاوز تبقى مننا ادخل وسجل عندنا

انت لسه مسجلتش؟؟ يللا بســـــــــــــــــــــــــــــــــــــــــــــرعة

منورنا واهلا بيك معانا

ورقة من ملف قضية لاحمد فؤاد نجم

استعرض الموضوع السابق استعرض الموضوع التالي اذهب الى الأسفل

ورقة من ملف قضية لاحمد فؤاد نجم

مُساهمة من طرف loza في الأربعاء 10 فبراير 2010, 13:38


انت شيوعى
انا مصراوى
انتومصايب
انتو بلاوى
ممكن اعرف مين الأول
بيكلمنى
احنا نيابة أمن الدولة
دولة مين
دولة مصر
مصر العشه
ولآ القصر
أيوه حنبدى ندور ونلف
حاجه تنرفز خالص
اف
مالك.. شايل طاجن خالك
لم لسانك ما تخرفش
أنا ما اقصدش اهانتك طبعا
ايوه استعبط
لا ما اعرفش
ايه رأيك فى سفارة كوريا
ايه رأيك فى قضية مصر
مصر فى وحده
هى وسوريا وليبيا
ولازم ييجى النصر
ييجى منين و ازاى ولمين
آدى كلام الشيوعيين
أنا من حقى
حق فى عينك
أنا بتكلم بينى وبينك
يعنى كلام بره التحقيق
اذا كانش يسبب لك ضيق
طيب فول
مين مسؤل ؟
مين مسؤل عن ايه يا أخينا
ع اللى جرى لنا ف غزه وسينا
أنت شيوعى أكيد وطاوعنى
فض دمغك من دى قضيه
شعبنا جاهل
مهما تقول له
مش حيآمن بالشيوعيه
ما الشيوعيه فى فيتنام
ايه رأيك فيهم يا همام
مش بطال مش بطال
لكن احنا .. ورانا عيال
طب ما نحارب
لجل عيالنا
يطلعوا أسعد من اجيالنا
انت الظاهر مخك فاضى
وحتتعبنى معاك ع الفاضى
وأنا بحبت معاك بكفايه
ابقى اتفلسف عند القاضى
هى قضية ؟
لأ ملوخية
آمال فاهم ايه آمال
هى الدوله دى لعب عيال
ممكن أعرف أنا هنا ليه
أيوه حتعرف
أمال ايه
يوم خمسه وعشرين الماضى
ايه مشاك عند التحرير
تحرير ايه يا جناب القاضى
أنا مش فاضى
بكره تصير
بطل غلبه وجاوب دوغرى
أنا غلباوى كده من صغرى
كل الشيوعيين امثالك
آخر غلبه وقلة ذوق
يحصل ايه لو تمشى فى حالك
فاكر نفسك مين
ما تفوق
لو راح افوق
مش من مصلحتك
أما معجب جدا بصراحتك
أيه رأيك فى حكاية الطلبه
حاجه عظيمه بشرة خير
انت دماغك ينفع جزمه
وانت لسانك ينفع سير
أخرس قطع لسانك سافل
كتر خيرك
مخك قافل
مين وداك بقى عند الطلبه
رايح ضمن المندسين
رحت أناقشهم واسمع منهم
تسمع منهم ايه ياسى طين
دول عايزيين الدنيا تولع
علشان اصلا
مش فاهمين
هى الحرب يا عالم لعبه
دى بتتكلف بالملايين
وانت حتدفع ايه من جيبك
امال حدفع من جيب مين
انت حمار وخدوك فى مشمك
رحت هناك زى الباقيين
عاملين لجنه
وقال وطنيه
مش ممكن دول وطنيين
وجماعة انصار الثورة
وفلسطين وهباب الطين
ما نخلينا يا سيدى فى حالنا
مالناومال الفدائين
هو احنا اللى نهبنا بلدهم
دول عالم صيع فاقدين
قتلوا الراجل عند الشيرتون
واحنا اللى طلعنا القاتلين
وصفى التل ده كلب وخاين
اهو كل العالم خاينين
واحد صاحبى مراته مرافقه
وهو مرافق
ييجى عشرين
أمريكا بتزعل وبتحزن
هو احنا يا عالم ناقصين
مش نستعبر
م اللى جرالنا
ونعيش بقى زى العايشين
دى عيال عملا للشيوعيه
واحنا عدو الشيوعيين
روق دمك بس يا بيه
مين مساعدكو بفالو سنين
بيساعدونا صحيح يا سى بعجر
علشان أصلا مش فاهمين
احنا حليتنا منين نديهم
ونسددهم بالملايين
يمكن يعنى قضية مبدأ
مبدأ مين وزكايب مين
هى دى عالم تعرف مبدأ
دول بقول لك
ناس مجانين
اخترعولنا السد العالى
علشان نبقى اشتراكيين
اشتراكيه هناك فى بلدهم
واحنا فى دارنا
نعيش حريين
عايزيين الفلاح الجاهل
يتساوى بالمحترامين
وكمان قال
تحديد ملكيه
أبو ألفين
يدوه خمسين
شغل ملاحده وعالم كفره
ومخالفين احكام الدين
والعمال راخرين اسم الله
فاهمين روحهم
بنى آدميين
ناس عايزين الحرق بولعه
دا كله من الشيوعيين
نشروا لنا الأفكار السوده
أولاد الكلب الملاعين
مين وداك بقى عند الطلبه
انطق قول
اتكلم مين
هما ايه مطالبهم ؟
انت حتستجوبنى يا شاطر
لأ مش قصدى
بس أنا بسأل
كانو طالبين كراريس ومساطر
ولا مطالب ميه الميه
كل الشعب مآمن بيها
دول طالبين حرب وشعبيه
مين مجنون بقى
حيمشيها
عايزين يدوا الرتش سلاح
عشان تحصل فيها مجازر
أنا لو أشوف حلوف فلاح
شايل شومه
لازم اهاجر
لازم بينه وبينك دم
دم ف عينك
هس اتلم
ثم نحارب ليه
وبأيه
بسلاح ما يموتش بعوضه
روق دمك بس يا بيه
الحرب ضروره ومفروضه
واهو نفس سلاحنا المظلوم
فى فيتنام دابح أمريكا
دى طبيعه أرض يابتى آدم
بطلوا بقى كدب وبولوتيكا
طب ما الهند بنفس سلاحنا
فى باكستان
بعزقت الغرب
رأيك يعنى ضرورى ان احنا
وحتما يعنى نخش الحرب
طيب
حاضر
فين المخبر
حتغير رأيك
بالضرب يناير
1973

_________________
<P> </P>
<P align=center><FONT style="BACKGROUND-COLOR: white" color=red size=4><STRONG></STRONG></FONT> </P>
<P align=center><STRONG><FONT color=#ff0000 size=4></FONT></STRONG> </P>
<P> </P>
avatar
loza
شغال تمام
شغال تمام

البلد : Ismailia
انثى
عدد المساهمات : 667
نقاط : 894
تاريخ التسجيل : 07/05/2009
العمر : 27
المزاج : الحمد لله

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ورقة من ملف قضية لاحمد فؤاد نجم

مُساهمة من طرف enssaitt في الخميس 11 فبراير 2010, 21:34


احم!!!!!!!

شكلنا هنروح كلنا ان شاء الله

عاوزين عيش وفراخ يا جماعه مش بحب الحلاوة

ههههههههههه

روعه يا لوزة بجد

تسلم ايديكى يارب يا حبيبتى


ونجم روعه طبعا ماشاء الله

_________________
هدفنا الارتقاء بمهنة التمريض, شعارنا ايد فى ايد نبنى مستقبل جديد للتمريض Like a Star @ heaven Like a Star @ heaven
avatar
enssaitt
منسق المنتدى

البلد : EGYPT
انثى
عدد المساهمات : 671
نقاط : 898
تاريخ التسجيل : 23/04/2009
العمر : 27
الموقع : http://enssa.yoo7.com

معاينة صفحة البيانات الشخصي للعضو http://enssa.yoo7.com

الرجوع الى أعلى الصفحة اذهب الى الأسفل

رد: ورقة من ملف قضية لاحمد فؤاد نجم

مُساهمة من طرف loza في الخميس 11 فبراير 2010, 21:45


تسلمى انتى يا روشى وانا هجبلك فراخ لو مكنتش معاكى

_________________
<P> </P>
<P align=center><FONT style="BACKGROUND-COLOR: white" color=red size=4><STRONG></STRONG></FONT> </P>
<P align=center><STRONG><FONT color=#ff0000 size=4></FONT></STRONG> </P>
<P> </P>
avatar
loza
شغال تمام
شغال تمام

البلد : Ismailia
انثى
عدد المساهمات : 667
نقاط : 894
تاريخ التسجيل : 07/05/2009
العمر : 27
المزاج : الحمد لله

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى